ذكرياتك

ذكرياتك

اشضل من ذكرياتك ..
كلشي ما موجود ..
صار اسنين .. ما ضلت ولا ذكرى
تصاويرك عفتهن من اخذني الروج
اوازاني الوكت ..
والوكت شيگدره ..؟
عافت ناس كلشي ..
الدنيا صارت نار ..
زلمه الزين بيها ..
اليسلم ابعمره
حتى الليل .. هذا الليل ..
من اتوازه .. اجت مرات ..
عاف انجومه كلها .. اودع الگمره ..
وتسأل ذكرياتك ..؟
عمري راد ايروح ..!!
لو انت بمكاني ..
اتعوف ابو الذكرى
نسيتك ....؟؟
لا .. نسيت اسمي !
واصحابي .. واهلي بالمره
هو الموت وحده اگبالي ظل بالليل ..
وافكر ما اجت ابراسي
بس فكره ..
اعوف الروح ..
هو اللي يصير ايصير ...!!
يم ربك عفتها ، اطلعت بالقدره ..!
أنه مبلل جبتها ..
من الصغر لليوم .. والمبلل ..
تظن اتخوفه المطره ..؟؟
وتسأل ذكرياتك .. ؟
مدري راحن وين ..
رماد ونار صارن بيهن شتقره ؟؟
لا تعتب .. اعتابك عندي مامسموح
ولترجعلي ماضي ..
ايامه مطشره
لو انت ابمكاني
اتعوف اغلى الناس ..
لأن ساعتها ..
كل الناس تتبره
هذا اللي جرالي ..
لهسه افكر بيه ..
مدري اشلون طلعت سالمه الجره ..!!

مشكوررررررررررررررر

سلمت يداك ودام نبض قلمك

ونشكرك على الاهداء

اهلا بك بيننا وفي انتظار جديدك

تسلم .... اخى محمد جهاااد

روعة والله يسلم تيمك خيي

منتمنى الاحلى والاروووووع

.....(كفوري وبدم لبنانى)......