شح الوفة وماشحيت، وزل جدم الصبر واني على عهدي وياك ابد مازليت.. بطرك عمري انزلت هادود لاسهام التضدك بالكلب صدّيت.. عطش روض المحبة وبخل غيم شتاي، وبدم ودمع روض المحبة ارويت.. على مذبح حقدهم كالوا انسه اهواك، وانه وباسمك يا حبيبي كبالهم غنيت.. الف خنجر غفه بحشاي واضحك للشماته وجذب ما ونيت.. كالوا بيع حبك نشتريه بكنوز، كلت غم الذهب والمال لو ذرة وفه من حب حبيبي انطيت.. قسوا رادوني انسه وصحت اني مرات، ومن سكرة منيتي اني فزيت..وشلت راسي عالي بين عذّالي، تطخ روس الجبال وراسي ماطخيت..كطعوا الساني على جذع الصلب، وصار السان دمي وياعلي ناديت.. كالو عن وعي حبك، كلت ياما ادرست واقريت.. بتواريخ البشر دورت ماخليت.. شبيه المرتضى ما لكيت .. كلت جيبولي واحد ينذكر بالتاريخ مهده يصير باشرف بيت.. علي كل العلوم احويت.. وصناديد الكفر خشومهم لويت.. علي ترد المنايا وانت ما رديت.. الزلم ردت تجر بذيال خيبتها وانت الخيبر تعنيت..ٍ يا الشبجت دروبك رايح وين يمنه الدرب هذا شمالك احتاريت..واسجب حرفتك دهلة تزلك لو بخطوة اخطيت.. يبو طبع الثكيل اتطّوف بكلمات وعلى حس الطبل خفيت.. ما اطيعك واصير وياك لو عظم وجلد ضليت.. انه حبي الـ علي من زمان وانه بصلب ادم للفحل واليت الك حنيت الك حبيت الك يابو الحسن واليت.. اكعد كلت يا علي انهض كلت يا علي كالوا شرك لا تذكر اسم المرتضى وانه بها العواذل مبتلي.. انشدكم ومن يرد جواب الي ويردد بصوت الوفة صوت الي بالحق يعتلي .. علي .. علي .. منهو امامي الاولي .. علي ..علي منهو الي بالقرآن متنصب ولي .. علي .. علي.. منهو الي تصدق راكع وسر السائلي.. علي.. علي.. منهو الي طبرة صارمه كل العبادة تعادلي.. علي .. علي.. كل هذا وتكلي اشتمر عن حب علي .. اهمداك ! الف غمة الغمتك يا عاذلي..
12-10-2007, 01:12 PM
العرض العادي
