وين عمري

ووووين عمري . . . ووووين عـمـري

وين عمري اللي سرقته . . . وينهـا ايامي معـاك
ليش بس هانت عليك . . . سنيني ودموعي معاك
ليش وإنته كل حياتي . . . وعمري لو تطـلبه جاك
وإنت أعز الناس تدري. . . ودايم أطلب بس رضاك
وينها عيونك حبيبي . . . ليـش تـبعـدها بقساك
ليش تظلمني بحبك . . . دام مــانـي بـمسـتـواك
وليش توهمني بقربك . . . وليش تضربني بعـصاك
غلطتي حبيتك إنته . . . وكنت أضن يكثر عطاك
لكن الأيام دارت . . . والـخـطـأ مـاهــو خـطـاك
بعت نفسي برخص لك . . . وهـذي تالـيهـا معاك
جردت إحساسي مني . . . إيـش صابـك إيـش جاك
وينها ضحكت عيونك . . . ويـنـهـا بـسـمـة شفـاك
ليش كل شي بك تغير . . . وتـدري قلبي مـانساك
والله أبيع الدنيا لأجلك . . . وأشتري بعمري لقاك
ليش هالقسوه حبيبي . . . لـيـش بالـيـنـي بجـفاك
وتدري موتي يوم تمشي . . ويوم تبعد بي خـطاك
وكل شي فيني يسافر . . . يتبعـك يـمشـي وراك
إرجع وصالح قليبي . . . إرجـع وصلـح خـطـاك
وإلا إبعد حيل إبعد . . . وقول ماني بمستـواك
وين عمري وين عمري. . . ويـن كل تعـبـي معاك

كلمات معبرة

فما اصعب بعد الحبيب

وما اصعب جفاء القلوب

سلمت يداك على هذا الطرح

وفي انتظار جديدك وبوح قلمك

سلمت يداك التي نقشت لنا اللحظات الصعبة

ننتظر المزيد ونتمنى لك السعادة