شعر بالعامية

بتتذكر..
كيف كنت تقللي
بحبك
وكيف كنت تغار
وقديش مليت الدني
غناني وحكي وخبار
وزرعت
منتور وفل
والياسمين يغار
ولما يناموا الكل
تنطر عباب الدار
وقلك
قبل ما تفل
سهار بعد سهار
والصبح لما يطل
يحكي الحبق شو صار
لا تحزن
يا حلو بنضل
جينا عالدني مشوار.....

بتعرف شي القصيدة حلوة بس أحلى شي فيها و الي عجبنا آخر كلمتين و همه


جينا عالدني مشوار..........
يسلموا كتير فادي.

شكرا كتير الك وانا بعتز برأيك وبتمنى تعجبك اكتر القصائد القادمة

حلوة كتير يا فادي ... يا ريت يفتحوا مكان مخصص لهيك شعر/ زجل عامي بالمنتدى !!!

شكرا على القصيده المختصره بس فعلا ذكرتنا اننا عا لدنيا مشوار

وآه يا خوفي من آخر المشوار ــــــــــــــــــــــــ تقبل مرور جمانه

شكرا حبي فوفو انت شاعر والشعراء قليلا

تكلمي يابهجة النظر يامرقس الشمس وياارجوحة القمر

ابتسمي يا قيثارة السحر. . . . . سأجلس على غصنك لأنك انت الشجر

سأذهب اليك لأنك انت السفر. . . . سأركب عليك لأنك سفينة الخطر

سألمس يداك لأنهما احلى من الزهر. . . . سأركض خلفك لأنك انت السهر

سأزرع بذوري لأنك انت المطر. . . . سأغرق بك لأنك انت البحر

سأتغذى على شفتيك لأنهما كالثمر. . . . سأختارك انت لأنك احلى من كل البشر