لا قادر آذن لك ولا قادر امنعك

لبناني وبس · 02-21-2008, 02:22 AM

قصيده للشاعر/عتيق بن خليفه الزبالي الحربي

يومين وان افكر اشلون اودعك
لحظة وداع ولا عرف وش بعدها

لو تسمح اظروفي اروّح واجي معك
لكن نفسي ظرفي اللي قردها

لا قادر آذن لك ولا قادر امنعك
منعك غلط ووداعك امّر وادها

غبتي عن الناظر وفي العين موقعك
مثلك لها عيني وقلبي بلدها

اتخيلك في النوم واراك واسمعك
في غيرك اوصاف الحلى ما نجدها

حبك زرعته وانتي بكبرك ازرعك
على نهر قلبي عروقك تردها

لا أنس تاصلك ولا جن تطلعك
محروس من عين العباد وحسدها

غصبآ علي اسمع كلامك واطاوعك
مصيرنا نرجع لسابق عهدها

في حبنا لا تخدعيني ولا اخدعك
قدّرت لك ظرفك لكن لا تعدها

ودعتها قالت بي الوقت يجمعك
مع السلامه واشرتلي بيدها

والله كريم وقادر انه يرجعك
ويحميك من شر الليال ونكدها

وسلامتكم