هذا عراق الخير ( الى كل عراقي شريف)

الاسد الطيب · 02-27-2008, 10:12 AM

صبر ياعراق
اصبر يعراق الخير هاي الناس تدرينه
شيل او لاتدنــــك راس
ياعنوان غيرتنا اورمز جدنه او نبينه
ولو مجروح من الجدم للراس
انتا اتعودت تعلى على رووس الحاقدينه
ليغرك نذل لوباع دينه او داس
اوليهزك خسيس ايبيع لاجل فلوسهم دينه
لا وحق حسين وولاده واخوه البطل عباس
تبقى انتا على كل عالي اوتشيلك هاي ايدينه
اهن يومين لو ساعات والفاس
يوكع فوك راس الحاول ايغدرك ابشينه
يالحنين اتراب كاعك عطر ورده ياس
انشمه ابكل صباح اومسه يلفينه
صدك فجروا بيتك .. بس باقي الاساس
اوصدكك ذبحوا اطفالك والنساوين الحنينه
لكن شوف تاليها اونهايه هالمساس
كله انعوضه من اشوارب العالو علينه
انتا الي يخونك عيب بالمركوب ينقاس
اوكلش عيب عالباعك يجيك ايمد ادينه
انعرف شعبك شجاع او مايهاب الباس
يصعد عالجرح لو كبرت الاه الحزينه
وانه ابنك ياعراق ايدك فوك راسي اتطيب الانفاس
انتا يامرضي او طبيبي او شوك دلالي او ونينه
احبك واليحبك مايميز الكاع بيك اتراب لو ماس
انتا كلك جوهره ومعلكه ابصدر الميره شلون تنجاس
نكص جف اليمسه وتبقى جفينه رهينه
اصبر ياعراق ... اوكمل المشوار
انتا شمايمر بيك الزمان اتجدد ايامه او سنينه

ليل السهر · 02-29-2008, 12:30 AM

بارك الله بك يابن العراق الحر كلمات اروع من الرائعة ......... عراق ياعراق يلي رُبى بيتك السني والشيعي ومن خيرات ارضك اكلو وبتربتك نامو ...وغطيتهم بسعف نخيلك..شلمخ وتبقى شامخ ياعراق لو مهما رادو يدنسون تربتك ..وعهد احنا أخذنه للأبد لناخ بثارك من كل حاقد دنس ترابك الشريفة ........وحق كل ضريح بيك يالعراق تعاهدو اولادك الشعي؛الكردي والسني لياخذون بثارك... من كل معتدي دنس ترابك

اسيرة الجروح · 03-02-2008, 04:03 PM

الاسد الطيب
انتقااء مميز منك اخوووي كم هي رائع هاذي الخاطره

حس شعري

مرهف الاحساااس

سلمت يمنااك
تحيااااااااتي لك...........

اسوره