كنت احبك

العصفورة · 02-27-2008, 10:03 PM

الهوى جند العاشق وجالـه جنـود

دار ناس ٍ عجز غيـره ولا دارهـا
شف معاك الغلا قاد المعاليق قـود
وانت تعرف طوال الهرج وقصارهـا
صادق الوعد عيا في ضميرك يجود
والحشى من فعولك والـع ٍ نارهـا
ياتسافـر وتبعـد ياتحـن وتـعـود
ساعة القلب عنـدي دقـة انذارهـا
ياطريق المواصل ياطريق الصـدود
اقصر النكبه اللي طـال مشوارهـا
الهوى له حساب وله شروط وبنـود
لاتحسب الصغار وتتـرك اكبارهـا
كم دمحنا وشلنا مير مامنـك فـود
تنكر العشره اللـي بحـت بخبارهـا
يوم تنقص بحبك يوم حبـك يـزود
والدلايل كثيـره عنـدك اسرارهـا
يشهد الله عليك وكل خلقـه شهـود
تهدم البنيه اللـي ثابـت احجارهـا
احترقلك غـرام وتحترقلـي جحـود
بانت اللوحه اللي بـان مسمارهـا
مايمشي فؤادك غير ضـخ الوقـود
بالمصالح حياتك تضـوي اقمارهـا
كان شوقي لعينك شي ماله حـدود
ولك بقلبي قصور ٍ عالي اعمارهـا
كنت احبك واظمك عن عيون الحسود
وان لمحتك يميني تسبـق ايسارهـا
لكن اليوم عنـدي مابقالـك عهـود
طاحت العشره اللي طـاح مقدارهـا

الاسد الطيب · 02-28-2008, 01:03 AM

اروع من الرائع كلام زاهي بالوانه شكرا لك عصفورة المنتدى وتتقبلي مروري

فراس ع ر · 02-28-2008, 02:52 AM

العصفورة
كلمات جميلة
فيها الكثير من الحب
فيها الكثير من الوفاء
وفيها الكثير من الحكمة
شكرا لك على هذا البوح الجميل
فرا س رباح