اذا ودك تعاتبنـي.. طلبتـك بالـهويـن هـويـن
واذا ودك تسامحنـي تـرى الانسـان واحسـانـه
وانا مـا ردنـي عنّـك يكـون الصعـب يالحِنيـن
فلا تجمـع علـي الهـم فـوق الوقـت واحزانـه
حبيبي انت ياعمري.. تحت امـرك وقـل يازيـن
ابـد .. خـل الحيـا لا لايـرد المتـرف لسـانـه
تبي هـالعين؟ هي تكفي؟ فداك انت الف عين وعين
فـداك انـت المحـب وديرتـه يااثمـن ازمـانـه
تبي هـالروح؟؟ اصلاً انت روحن لي واخذتك ديـن
واسدد لك ربـا زايـد فـؤاد(ن) صـرت شريانـه
حبيبي.. ياحبيبـي.. ياشبيـه(ن) للكـرز والتيـن
تصدق!! سامع(ن) طيـر جلـس يحكـي لرمانـه
يقول من العجايب شفت انا رجـل(ن) ولـه ظليـن
واثره عاشـق(ن) مغـرم سكـن خلـه بوجدانـه
تبسمت.. ومشيت ..وعارف لـو شافنـا الاثنيـن
وقـوف وظلنـا واحـد عجـز مـارف جنحـانـه
مقصر.. وانت تعرفني وانـا قلبـك اعرفـه زيـن
كثر مـخطي كثر مـهواه فـي عفـوه وغفرانـه
ولو كذبي ينجيني عرفـت العـب علـى الحبليـن
عرفت شلون اخلـي مـن العصـا بالكـف ثعبـانَ
انا لاجيت اجي صادق وانا لا رحـت لـي عذريـن
محبتـك ومـزاج(ن) ماعرفـت اشكـل الـوانـه
لعبّي طبعـي الفطـري وقلـب(ن) منقسـم قلبيـن
ورجـل مايعـرف يجامـلـك يـااعـز خـلانـه
تعـودت الصراحـه والله البالـي وربـي يعـيـن
وامـوت ومااخلـي للغـدر فـي خافقـي خـانـه
وانـا ولّـي بلانـي بالمحبـه مـن قديـم سنيـن
ماعمري طعت وسواس الخـداع وطعـت شيطانـه
انا الوافي..انا الصابر.. انا الي لو يطـول البيـن
جلسـت احسـب ليـوم اللقـا واخـاف نسيانـه
يجيني برد.. ويكفي برد.. وانا مابيـن ذا البرديـن
اقول الله يقرّب صاحبـي وادفـا علـى احضانـه
وانا مليـت انـا يامركـب الهنـد ويابـو دقليـن
اببحر لجـل عيـن الجوهـره بأحضـان مرجانـه
خفيف الظل ياسيد الكل ياخـل(ن) ممتلـي بالزيـن
يابو خطوة غـزال ونظـرة(ن) تذبـح وكسلانـه
دخيل الله بـسم صدر(ن) رحيـم ناطـق النهديـن
دخيلـك لاتـرد ايـدك يميـن(ن) مـد بـايمانـه
واذا ودك تعاتبنـي طلبتـك بالـهويـن هـويـن
واذا ودك تسامحنـي تـرى الانسـان واحسـانـه
_________
02-27-2008, 10:09 PM
اذا ودك تعاتبني
العرض العادي
