حوار دارمي بين أم وبتها \ البنية تريد واحد غني والام تريد تزوجها واحد شريف حتلو فقير

العصفورة · 02-27-2008, 10:24 PM

البنت
يمة زمانج راح بيه انظلمتي وذاك الوكت مرفوض مو مثل وكتي
,,,,,,,,,,,,,,,,,,,,,,,,,,,,,,,,,,,,,,,,
الام
عشنا أبوفه وبطيب كل الليالي لا زفه لا كنتور ولا مهر ...غالي
,,,,,,,,,,,,,,,,,,,,,,,,,,,,,,,,,,,,,,,,
البنت
اعرف بنات اهواي عزن نفسهن اتكلف ألف دينار بدالة عرسهن
,,,,,,,,,,,,,,,,,,,,,,,,,,,,,,,,,,,,,,,,
الام
أشرايج لون زنكين عالحسن حبج وملج بعد شهرين واعلينة ذبج
,,,,,,,,,,,,,,,,,,,,,,,,,,,,,,,,,,,,*
البنت
بنتج بعدهي اليوم حلوه وزغيرة مو مشكلة امن يروح يخطبني غيره
,,,,,,,,,,,,,,,,,,,,,,,,,,,,,,,,,,,,,,,,
الام
بس جلمة عندي اوياج والله الشهادة با الوفه وبا الاخلاص سر السعادة
,,,,,,,,,,,,,,,,,,,,,,,,,,,,,,,,,,,,*
البنت
أخر كلام وياج متطوره انه والما يجيب المال شلي بحنانه
,,,,,,,,,,,,,,,,,,,,,,,,,,,,,,,,,,,,
الام
أختاري والله اوياج يا سلوة العين أمج واعرفج زين باجر تندمين

فراس ع ر · 02-27-2008, 11:29 PM

عصفورة حوار جميل
ولكن اعود وأقول
الأم مدرسة اذا اعددتها
أعددت شعبا طيب الأعراق
شكرا لك
فراس رباح

الاسد الطيب · 02-28-2008, 12:18 AM

ههههههههههههههههه الله الله او الك هذا البيت مني هديه ياعصفورة المنتدى
مثل الشمع ظليت ناري على راسي &&& والعنده هيج عيون ماظنه قاسي

اليون تالي الليل لابد على اسباب&&& لو دهرة خاين بيه لو ذاكر احباب

تقبلي تحياتي