==قصيدة على تبديل العلم العراقي

العصفورة · 02-27-2008, 10:28 PM

قصيدة على تبديل العلم العراقي

انحلت جميعا ما بقت بس هاي,,,,* علم لازم انشيله نبدله بغيرة!!

مي مو قليل وكهرباء هواي,,,,* وغاز ونفط كل واحد وبيرة!!

جيناكم نحرر من ابو عداي,,,,* لرفع راس الوطن ونريد تطهيرة!!

لا والله جذبتوا ما صدكتوا بهاي,,,,* جيتو لل لغف والعين ع الليرة

لا همكم بلد لا همكم البجاي,,,,* لا همكم شعب تعبان وبحيرة

انوب القهر مو هذا قهر الجاي,,,,* يشيلون العلم يردون تغييرة

لك هذا العلم الشلته كل دنياي,,,,* وذبحت الوغد لو مسه بسيرة

هسة تريد اشيله ومنهو تحجي وياي,,,,* هوة انت اللي جابك بوش وبليرة

اجيت ارض العراق البيهة اطيب ماي ,,,,*تريد انت التخربه وتنهب بخيرة

لا والله ابد لو موش بس يمناي,,,,* لو يسرة ويمنتي تكصهة ما اديرة

ويا شعب العراق بهاي انتو وياي,,,,* معروفه الشهامة البيكم جبيرة

لا تنسون اصلكم وتًنسون الماي,,,,* جا وين الشرف جا وينهة الغيرة

لك هذا العلم والله واكبر هاي,,,,* بالشريان الابهر يمشي تصويرة

ما اغيره ابد وارفعه بكل ممشاي,,,,* لو دارو عليه الكون ما اديره

ربما · 02-27-2008, 10:47 PM

اي والله اكذبوا

وابو عداي شيخ على روسهم

فراس ع ر · 02-27-2008, 11:22 PM

عصفورة
ما أعظم العراق وما أعظم أبنائه
فعلا الزطن بالروح يفتدى
العراق ابن التاريخ
جائه الظلام من كل مكان
هبو ابناء العراق وانصروه
ما تعودتم الذلة
شكرا لك عصفورة على اللام الجميل
والاحساس الرائع
فراس رباح

الاسد الطيب · 02-27-2008, 11:28 PM

كلام حلو جدا اوتسلم الايادي ياعصفورتي الغاليه