قصه واقــعيــــه أرجوا لاسنفاده منها ....

إليكم القصة باختصار
قدر الله على هذا الرجل واصابه فشل كلوي

وتبلغ الخبر بنفس صابرة مؤمنة بالله عز وجل

بعد إن اخبره الطبيب بانه مصاب بفشل كلوي


خافو اولاده عليه وقالو له نبي نتبرع لك بكليه


لكن الأب رفض وقال لاتفتحون الموضوع بالمره مستحيل احد فيكم

يتبرع لي

المهم الأولاد خايفين على ابوهم

أسالو يمين يسار المهم قالو لازم نشوف لنا حل

اقترح احد أصدقاء الأبناء بان يذهبون لدولة مصر ويشترون كليه مقابل المال

طبعا حالتهم الماديه لاباس عليها

راحوا للوالد المصاب بالفشل الكلوي واقترحو عليه ورفض الاب

لكن بعد إصرار من الأبناء وافق

حجزو طيران وراحوا مصر

المهم وصلو مصر

اسالو الأطباء هناك اسالو كيف الحل
قال لهم الأطباء لازم يتبرع له احد

المهم اخذوا تحاليل منه وسوو له فحوصات
بعد كم يوم قالو الاطباء فيه شخص بيتبرع لك بكليه بشرط تدفعله 70 الف جنيه مصري]الابناء وافقو والاب قال موافق

دفعوا الابناء المبلغ للشخص 70 الف جنيه مصري
بعدها بيوم قال الاب انا بشوف الشخص اللي تبرع لي قالو له مو لازم تشوفه خلاص الحمدلله لقينا اللي يتبرع

قال الأب لازم أشوفه ودي اشكره على اللي سواه معي بعد إلحاح شديد من الاب وافقو الابناء

[آخذو الأب للشخص اللي بيتبرع له بكليه قبل مايسوي العمليه

دخل عليها الغرفه وانها بنت 17 سنه

]قالو له الابناء هذه اللي بتتبرع لك بكليه

انصدم الابب بالموقف
]انشل لسانه عن الكلام
لم يتخيل انها بنت في عمر الزهور

طيب ليش تبرعت لي

مين اجبرها على كذا


وليش

أتعرفون مالذي اجبرها على بيع كليتها

انه الفقر

إيه نعم الفقر

هذه الفتاه تعول اخويها واختها الصغرى بعد
وفاة ابيها وامها

صابهم الفقر الشديد اللي جعلها تبيع كليتها

المهم

تعرفون وش صار في الرجل
الرجل قال والله ماسوي العمليه
انصدمو الأبناء قالو ليش

قال والله ماسويها لو يصيراللي يصير
حاولو الابناء في الاب لكن رفض

طيب يابوي المبلغ اللي دفعناه


قال الاب والله ماخذه ولا ابغاه حلال عليها
ويحرم علي حرمة البنت على ابوها

وحجزو الابناء والاب على السعوديه

وصلوا السعوديه

بعد شهرين سوا الاب فحوصات في مستشفى خاص قالو له
مافيك شي لافشل كلوي ولا هم يحزنون

الأب ماقتنع بنتيجة الفحوصات راح مستشفى ثاني وسوى فحوصات وقالو له مافيك شي

الأب استغرب من الموضوع وراح للمستشفى اللي اكتشف فيه المرض اول شي


وقالو له نفس الكلام

سوى فحوصات خارج السعوديه وقالو له مافيك شي انت سليم مافيك شي

طبعا الحين بتقولون انه خطا طبي

ولكن الموضوع ماكان خطا طبي


شفاه الله وعافاه

وقدرة الله فوق كل شي

لكن هذا
الشخص فرج كربة عن مسلم
فرج عن الفتاه ذات 17 سنه


ففرجها الله عليه وعافاه بسببها

الله اكبر


قدرة الله فوق كل شي

هذه قصة حقيقه يا اخوان وشوفوا كيف ان المؤمن يكون عنده حسن ظن بالله وان الشافي المعافي هو الله سبحانه وتعالى