مدري منو الفرحان

مدري منو الفرحان بالثاني أكثر
الشاعر المجنون والا الأميرة
قالت أبيك تخلي الشمس تصغر
الكون هذا .. كافي وجهي ينيره
وإن كان لي خاطر أبيك اتهوّر
وتبني لي في بحر السعادة جزيرة
أبي المطر يسيل قطرات سكّر
وطعم البحر كالبرتقال وعصيره
جاوبتها : بطفّي الشمس باظفر
مطالبك كلها بسيطة .. يسيرة
لجل عيونك يصبح الكون دفتر
وانتي غلافه والسطور الأخيرة
حبيبتي .. انتي وانا ما نتكرر
منك بوكيه الورد ومني عبيره
تكبري .. انا بعد .. بتكبر
حتى الغرور احيانا يكون خيره
جنوننا في حد ذاته تطوّر
وأشعارنا دوا القلوب الكسيرة
أنا فدا (قوقل) وصوت المسنجر
وأحلامنا والهلوسات الخطيرة
أنا فدا (يونيو) امبراطور الأشهر
اللي جمعنا بالليالي المثيرة

للشاعر ماجد سلمان الخالدي..

والله يا عيني فعلا..
مدري منو الفرحان


وسلمت اليد التي خطت هذه الكلمات

الله يسلمك اخوي
نورة الصفحه بمرورك

مميزة انتي
بكل ما تملكين
جميلة انتي بما تنقلين
رقيقة انتي بما تكتبين
دمتي لنا

تحياتي
الساحر المجروح

تسلم الساحر..
نورة الصفحه بوجودك...