تــوّك صـغـيــره وابــتــديــتـي تـحـبـيـن &&مـن عـلـمـك لــيـل الـسـهــر يـاصـغيره

احلاكم · 06-25-2006, 03:30 AM

توّك صغيره وابتديتي تحبين من علّمك ليل السهر ياصغيره ؟

بدري عليك العشق يابنت هاللحين حرام هذا القلب وشهو مصيره ؟

انتي بريئه في الهوا ليه تشقين ؟ دروبه طوال ٍ عليك وعسيره

رحتي بدرب ٍ ماله اصلا ً عناوين وانتي مشاويرك من اول قصيره

ياطفلة ٍ حبّت وراحت على وين ؟عقب الهنا ذقتي الحياه المريره

وينك ووين الحب والشوق والبين ؟ عنّيتي عيونك وصرتي سهيره

امحق تسلّي كان ودّك تسلّين الورد لولا اللّون وشهو عبيره ؟

وصرتي بعد من غير هذا تغارين والمشكله يابنت منتي خبيره

نصيحتي لك كان ودّك تردين يم السعاده والحياه المثيره

خلّك بجو العايله لا تعدّين أمك وأبوك والعجوز الظريره

شيبانك اللّي مايبونك تعانين من بينهم عشتي كأنـّـك أميره

الحب قبلك هز ناس ٍ كثيرين وخلاّ القلوب تعيش هم ٍ وحيره

الحب يفضح لا انكشف داخل العين وانتي بنفــّسك ماهقيتك بصيره

طيعي كلامي واحذري لا تمادين تراجعي لاعل في الأمر خيره

واتمنى ينال اعجابكم

06-25-2006, 10:32 AM

كلمات جميله تميزك لمسات تظهر فيها عمق مشاعرك القويه

و رغم وضوح العتبير إلا أنها تعطي ظابع مختلف للكاتب أنه

يعيد ترتيب الزهور في مزهرية المشاعر

ياطفلة ٍ حبّت وراحت على وين ؟عقب الهنا ذقتي الحياه المريره
وينك ووين الحب والشوق والبين ؟ عنّيتي عيونك وصرتي سهيره

بيتين كتير عجبوني