لغات اردنية

frah · 06-26-2006, 02:36 AM

* في اربد يقولونها هكذا :-

الأب : منو اللي ع الشجرة ؟

الابن : هاظا اني يابا اسماعيل مالك بطلت تعرفني .

الأب : يا أم احمد دوك ابنش اسماعيل ع الشجرة اسع أيات بوقع وبتنكسر

ايده..

الأم : يا زلمه مالك , مال غضبك خلي الولد يلعب ( الميم في كلمة مالك مفخمه).

· في الكرك يقولونها هكذا :

الأب : منو اللي فوق الشجرة.

الابن : علامك يابا انت انعميت , هذا أنا " ضيف الله ".

الأب : والله لألعن صباح ابوك, طيح عن الشجرة يا ملعون الوالدين لا تقع

وبعدين انقوم نقل فيك ع الدكاتره.

الابن : ما ودي أطيح .

الأب : والله ود اللي يسطح بطنك ان شاء الله.

يا أم محمد روحي طيحي ابنك لامزع رقبتك ورقبته.

· في الخليل يقولونها هكذا :

الأب : محمممممممممد ولك انزل ل ل ل ل ل عن الشجره ه ه .

الابن : شو حكييييت.

الأب : بؤلك انزل هلأ بضربك بالساطوووووووور.

الابن : روح اضرب حاآآآآآآآلك.

الاب : يووووووووه ….. ام محمد تعالي شوفي ابنك ضناك …. مش رادي ينزل .

الأم : ابو محمد الله يؤصف عمرك وعمر ابنك , انا بدي اشتغل فيك هالئيتا.

· في عمان الغربية " عبدون " يقولونها هكذا :

الام : ماما سمير انزل عن الشجرة هلأ بتوئع وبتنكسر ايدك وبصير عندك واوا

الابن : ماما , معليش خليني please يا ماما.

الأم : والله يا ماما انا خايفه عليك… يالله يا حبيبي مشان الماما انزل بس

هالمره … حبيبي سوسو … دلوعة الماما.

الابن : ( يبدو غاضبا )

طيب ماما هيني نازل بس وحياتك اليوم مش رايح اشرب الحليب ولا

راح آكل my lunch . بس روعة شو رايكم يا عمي لشو الحكي والله انو لغاتنا الاردنية ما في منها تنين

alexander2010 · 06-26-2006, 10:58 AM

مشكورة فرح على على الموضوع
بس ليا تعليق بسيط و انتمنا ان يسع صدرك لهذا التعليق
و التعليق هو لفت الانتباه للفرق بين اللغة و اللهجة
فموضوعك كان عن لالهجات ليس اللغات
فارجو منك التصحيح
و اسف على الاطالة