حكايه اول حب ... بنت الجيران
للإشتراك بليالي لبنان على الفيس بوك
لبنان
قديم 03-18-2008, 10:35 PM   رقم المشاركة : 1
Z E R O
{عضو نشيط}
 
الصورة الرمزية Z E R O





Z E R O غير متواجد حالياً

Z E R O will become famous soon enough


افتراضي حكايه اول حب ... بنت الجيران

بنت الجيران

ونبدأ
الحكاية دى حقيقية حصلتلى بجد أيام
الشقاوة...
بعض التفاصيل مبالغ فيها...
لكن الباقى حدث فى حقبة من حقب الزمن...

الحكاية بتبدأ من حوالى سنتين....
العفش بينزل من على عربية النقل...

و أنا واقف فى البلكونة.. وبسأل امى (إللى
كانت واقفة تنشر الغسيل): هو فى حد
هيسكن هنا ولا إيـه يامـاما ؟
قالتلى اه يا حبيبى دى الشقة إللى قصادنا
قلتلها ويا ترى عرسان جداد ولا عيلة
وبتعزل ؟
قالتلى والله يابنى مانا عارفة
قلتلها طيب.. يا خبر انهاردة بفلوس.. بكرة
يبقى بفلوس اكتر..

و بعد أسبوع......
أمى واقفة بتنشر الغسيل بردو.. وأنا واقف
جنبها بردو.. وبتقولى: مش السكان
الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا
انهاردة وسلمت عليا وعرفتنى بيهم
قلتلها: إيــه بقى عرسان جداد ؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)

و أثناء الحديث الشيق ده..
طلعت مامت الولاد م البلكونة.. ولما شافت
أمى هزت راسها - بتسلم على أمى يعنى
-.. وطبعا أمى ردتلها الهزة - بترد السلام
يعنى -
و بعدين طلع ولد صغير إبتسم لنا أول ما
شافنا....
أصل البلكونة فى وش البلكونة , بس هم
مركبين ستارة وإحنا مش مركبين ستارة...
بس باين عليهم ناس طيبين اوى...
المهم.. الأم ندهت لبنتها...
الحقيقة أنا كنت أول مرة فى حياتى أسمع
الاسم إللى هى ندهت بيه..
أول مرة أعرف إن فى بنت اسمها كده أصلا...

الأم بتنده: يــــــا روفيدة (على وزن
بثينة , بضم الراء يعنى)
إسم جامد مووووووت... عجبنى الاسم اوى...
وبدعى ربنا تكون رُفيدة حلوة زى
إسمها..
و طلعت روفيدة من ورا الستارة فـى حركة
Slow Motion من بتاعة الافلام..
و أنا متنح تتنيحة سودة... روفيدة طلعت
أحلى من إسمها.. جميلة جمال لا يوصف...
ناصعة البياض..
مش قادر أرفع عينى من عليها.. مينفعش أرفع
عينى من عليها أصلا...
فضلت متنح لحد ما شافتنا أنا وأمى..
لما شافت أمى إبتسمت لها..

و لما شافتنى زى ما تكون شافت عفريت
ودخلت على جوه جرى...


و تمر الأيام..
و مشكلتى ان البلكونة بتاعتنا تدخلها من
اوضتى.. عشان كده فى الرايحة والجاية
ابص اشوف روفيدة واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم
الهوا مثلا - مع إن الدنيا تراب
وعفرة -
او بلعب عشر ضغط.. أى تلكيكة والسلام
الغريب إنها كانت فى الأول لما تشوفنى
تروح داخلة جرى على جوه..
لكن بعد فترة لاحظت إنها مكانتش بتدخل
أول ما تشوفنى.. وكانت بتفضل واقفة هى
كمان...
بقيت فى عز الشمس أقف.. لحد ما أعرق واجيب
جاز.... فى عز البرد واقف بتكتك م
البرد
واقف بالساعات مدام روفيدة واقفة... أرمى
نظرة.. إبتسامة.. أشاور
و كانت هى بتكتفى بالإبتسام وعلامات
الخجل...

و ف يوم من ذوات الأيام..
بشاورلها.. شاورتلى
بقيت هطير م الفرحة.. روفيده شاورتلى يا
جدعان...
قعدت أتنطط ع السقف وأغنى وحياة قلبى
وأفراحه..
و هبا إيـه هبا أه.. إن شاء الله هنظبط
إمتى بقى اتكلم معاها ونهزر سوا...

لحد ما جه اليوم...
أنا راجع م الكلية.. وعلى أول الشارع شفت
أمى واقفة مع مامت روفيدة..
و المفاجاة: روفيدة واقفة معاهم
لقيت نفسى بجرى زى شخصيات الكرتون .. نصى
التحتانى بيجرى قبل نصى الفوقانى
تشووووووووو...
لحد ما بقيت عندهم.. عرقان طبعا وبنهج
وحالتى حالة...
نزلت عليهم زى الباراشوط..
إزيك ياماما.. إزيك يا طنط عاملين إيه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت
حمالات - أصل الجو كان حر اوى اليوم
ده -
قلتلها: إزيك يا روفيدة ؟!
و كان رد فعلها غير متوقع بالمررررة...
كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. إزيك إنت ؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس إيديها....
و رحت شايلها...........
و قلتلها: إنتى عندك كام سنة بقى ؟؟

.
.
.
.
.
.






قالتلى عندى 3 سنين





رحت بايسها تانى وأنا هطير م الفرحة
وفضلنا نلعب ونضحك ونهزر... لحد ما مامتها
شالتها وطلعوا البيت
و من يومها وأنا وروفيدة اصحاب... كل ما
تطلع البلكونة نلعب ونهزر مع بعض


اوعو تكونوا فكرتو حاجة غير
كدة ههههههههه اكيد؟؟؟؟

موقع زواج


من مواضيع العضو :
  رد مع اقتباس
قديم 03-19-2008, 11:39 AM   رقم المشاركة : 2
دموع الورد
|:.عـضو سوبر مـميز..:|
 
الصورة الرمزية دموع الورد






دموع الورد غير متواجد حالياً

دموع الورد على طريق التميزدموع الورد على طريق التميز


افتراضي

ههههههههههههههههههه
يا لطيييييييييييييييييييييييييف شو قهرتني
ال شو ضليت منسجمه الت اجت الفرصه

3 سنين يا ظالم ههههههههههه
يسلموو يا عسل



من مواضيع العضو :
  رد مع اقتباس
قديم 03-25-2008, 02:36 PM   رقم المشاركة : 4
sa3eed_2
عـضو جـديد





sa3eed_2 غير متواجد حالياً

sa3eed_2 will become famous soon enough


افتراضي

الله يساااااااااااااااااااااامحك
عملت عندي اكتئاب عاطفي
بس حلوة,,,



من مواضيع العضو :
  رد مع اقتباس
قديم 03-29-2008, 05:53 PM   رقم المشاركة : 6
girl_word123
عـضو جـديد
 
الصورة الرمزية girl_word123





girl_word123 غير متواجد حالياً

girl_word123 will become famous soon enough


افتراضي

يعني انتوا بتردوا على الكلام الاهبل؟؟؟؟؟؟؟؟؟؟؟؟؟؟؟؟؟؟؟؟؟؟



من مواضيع العضو :
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

RSS2 XML
الساعة الآن 01:53 PM.


Powered by vBulletin V3.7.2. Copyright ©2000 - 2017

Search Engine Optimization by vBSEO 3.6.0 RC 2