قصيدة ردي ردي للشاعر الكبير عريان سيد خلف

ردي ردي
ياظعن شت عن هله....وحداي غربه البيه يحدي
ردي....ينباع العشك
وليا قلب تهوين صدي
لا تهيجين الجروح...
اجروحي من تنلجم تدي
وانه من دم ولحم...مو من صخر
جبدة العندي
ردي..مليت الصبر
وامكاطر الدمعه على خدي
وانه خلاني الوكت ناعور
بس اترس وابدي
جورت ليل الصبر...واعجزت عنه
وهذا حدي
بتجي من يغفه الجفن
ما جلمة التنكال بعدي
انه موش اول زند.....يشتل شلب
ويحصد بردي
ولانه بس اتغربة....والمعتنيله يصير ضدي
ردي ردي
مالي حيل امعاتبج
وانا العليج اديت جهدي
غلست عن الكلت والكال
كمت اسمع وعدي
والله جا مل وجزع لو قصتي
على ايوب تسدي
ردي..انه مو طبعي العتب
علما حلاله ايصون عهدي
ويا رخص ذاك الجدم
كون اعله ياهو الجان يبدي
ردي ردي
يالهويتي بلا وجاد ...انوب من تهوين وجدي
وانه خلاني الوكت ناعور بس اترس وابدي
وانه خلاني
الوكت
ناعور
بس اترس وابدي



اتمنى تنال رضاكم

عريان افضل شاعر بس اريد اعرف هذا الدارمي العريان االحيمي وعمه ومكسور وتلولح وطاح -- هم تظن هذا ايطيب وبعمره يرتاح

يسلموووووووو على الكلمات الجميله