مو بس الفلسطينية و كمان اللاجئين

أول شي بسم الله الرحمن الرحيم

تاني شي يا جماعة أنا كتبت هالموضوع لأحكي
شي ، إنو كل العالم عم يحكو عن غزة و عن
الشعب الفلسطيني يللي هلء بأرضو ، الشعب
الصامد و الجبار و اللي بيفدي فلسطين بدمو، و
ما عم يحسّو فينا نحنا كمان ( اللاجئين ) يللي
طلعنا من بلادنا و تفرقنا و كل واحد صار بمكان
بهاد العالم ، و اللي عم يعاملونا جوّات البلاد
يللي لجئنالها على إنو محتلين بلادهم و إنو نحنا
مو منهم و لا بعمرنا حنكون منهم ، و ما بيعرفو
إنو نحنا حلمنا العودة و الرجوع لبلادنا و أنا
أولهم و الله إنّي كل ما بفكر مع حالي بحكي إنو يا
ريت لو أروح ع فلسطين و لو بموت أول ما
أوصلها ،و الله العظيم أنا حاطة برقبتي مفتاح العودو ، و نحنا يللي برّة
حاسيين بكل يللي عم يصير فيكم جوى فلسطين و
اللي زايد مرنا إنو هاي أرضنا و هاد شعبنا و
نحنا مو آدرين نعمل شي ، و الله نحنا ما بعنا
فلسطين و ما نسيناها ، نحنا كل يوم عم نحب
فلسطين أكتر ، يمكن كان نصيبنا إنو نحنا نتغرب
برّة بلادنا ، بس و الله نفسنا نرجع ، و نحنا ع
فكرة مو كتير مبسوطين بهاي البلاد لأنا مو
ببلادنا و مو بالمكان يللي لازم نكون في ،
ادعولنا بإنو نرجع و نكون معكم نحنا كلنا
الفلسطينية و العرب ، و الله نحنا ما طلعنا لأنو بدنا طلعنا ، طلّعونا بالقوة و غصب عنّا و آخر شي ادعولنا
بالرجعة لفلسطين لأنها أرضنا و أرضكم

شو وينكم يا جماعة ؟؟؟؟؟؟؟؟؟؟؟؟؟؟؟؟؟؟؟؟؟

شتيلا موضوع راائع ومميز

لكن بحب اقلك انو احنا كمان سواء بغزة او بالضفة

اتفرقنا عن اهلينا

راح قلك اكبر متل قدامك حضرتى بانو كل واحد من اهلى ببلد

وبعمرنا ما اتلاقينا وعايشين على امل تلاقى ببلادنا

وما فى شى بعيد طول ما احنا بندافع عن حق

كل الفلسطينية بيعانو سواء بالداخل او بالخارج

تياتى لالك وبتمنالك العودة لبلدك ولكل النا يلى اتهجروا

في هذا المدى
رغم اسوداد الليل
في حلك الدجى
كالبدر
ناصعة البياض واكثرُ
رغم التلبّد والتجمّد
وادعاء الحكمة الصماء
تبقين الهوى العذري فينا
.. بل اجلُّ واطهرُ
رغم البشاعة
والصفاقة والعدى
كم انت -رغمهمُ-
جمالك مبهرُ
رغم اتحاد جنون هذا الكون
-إذ جمعوا لنا-
إيمانُنا
بالله ثم بأرضنا
بك يكبرُ
يكفي لنا شرفاً
بأنّا لم نجد
في قلبنا
من قد ينازع حبها
أو عرشه يتصدر
بل إننا في حبها
-رغم اتهامات التكالب-
نفخر
بل إننا
في حبنا
"إرهابها" و"جنونها" ذا
أخطر
يا بائع النسيان:
ليس بأرضنا!!
لا عندنا سوق
ولا نتغير
ولسوف ننسى
من سينسى أرضنا
فحقوقنا مهدورة
والعزم فينا يهدُرُ
سنظل نهتف
من صميم صدورنا
هذي البلاد لنا
ولا نتقهقر
هي من يقود جموعنا
ورجالها
بثباتها وصمودها
تستنصر
اميرة فلسطين تقبل مروري

اكيد اي شخص بدو الحرية لبلادو
وكمان عنا اليهود بعاملونا زي العرب مبعاملو اللاجئين
بعتبرونا نحنا اللي محتلين بلادهم
بس شو بدنا نقول غير حسبي الله ونعم الوكيل على اليهود وحلفائهم العرب
بتعرفي عنا القدس فاضية زي اكنو عاملين منع تجول
يعني ان بتيجي بتبكي عليها
والاقصى فا ضي ببقا
ومنيح انو عرب التمنية واربعين بيجو عالقدس بتعمر شويه
بس حسبنا الله ونعم الوكيل