زعلان مني..

باين عليك اليوم زعلان مني
حبيب قلبي قلي وش فيك زعلان
لايكون احد جاك او حكى شي عني
غلطان لو صدقت والله غلطان
,,,
مفروض ما تسمح لأحد يتهمني
تعرف غلاك وتعرف القلب ما خان
انا من اول يوم شفتك وكني
غريب لقى له وطن بين الاوطان
,,,
لا ينشغل بالك حبيبي لأني
ولهان في غيابك واذا جيت ولهان
لو اخسر العالم ابفرح واغني
رابح انا بحبك لو كنت خسران
,,,
انت الوحيد اللي بحبه شغلني
عجزت توفيك القصيد والالحان
ما اشوف انا غيرك وحبك سكني
ما كن في الدنيا ابد غيرك انسان

--------------------------------------------------------------------------------
يوم شفتك ما سألت .. ضاق صدري وما احتملت
قلت يمكن من عتبنا .. البارحه شكلك زعلت
من كثر شوقي اللي فيني .. جيت يسبقني حنيني
جابني خوفي عليك .. قلت ابعرف شلي فيك
قلبي مشكلته يحبك .. ويتعب ان شافك تعبت
على الاقل سمعني صوتك .. لا تعذبني بسكوتك
لو انا اخطيت اعتذر منك .. ياللي عمري ما املك
ولا تشك مره بغلاتك .. يا بعد هالدنـــــيا انت

يسلمووو على هالكلمات الجميله المعبره
بس مين هاد اللي بده يزعلك
هههههههههههههههه