الخيانة و الغدر

كلنا بنعرف أنو الأخلاق هي صفات راسخة بالنفس البشرية,يظهرها الإنسان تحت ظروف معينة
أو عواطف معينة مثل الصدق والكذب والوفاء والأنانية ومثل ومثل ومثل إلخ

أنا بدي أحكي عن الخيانة
الخيانة والغدر أوسخ وأحقر خلق ممكن الإنسان انو يتصف فيه
طبعاً أنا مش راح أقدر أعرفها لأنو بصراحة لا أعتقد انو هناك كلمات قادرة علي وصفها.

الخيانة دايماً بتصير من الناس المقربين إلك لأنهم بيكونوا ملمين بأمور حياتك ومشاكلك وطموحاتك
فدائماً استبعد احتمال حدوث الخيانة من خارج محيط معارفك..........وهون المصيبة!!
أن يطعنك أحد في ظهرك فهاد أمر طبيعي ولكن تلف وجهك وتلاقيه من أقرب الناس إلك هاي كارثة
بحد ذاتها.
ليش بيخون الصديق صديقه أو الأخو أخوه....منشان شو؟؟؟؟
منشان المصاري,الحب,الأفكار,الغيرة,الحقد والغل,أو من لاشئ...اه في ناس بيخونوا منشان ولا
أشي طبع دنئ وماشي بدمهم.
والله بالنسبة إلي عز الفوس وخرة علي الحب خرة إلي بيخلونا أنا وصاحبي نتفارق.

أنا برأيي أنو الخاين شخص ضعيف جداً جداً وجبان لانو مابيجي بالوش وبيصارحك
بيطعن بالظهر وأنتا ما بتعرف غير بعد فوات الأوان ويمكن ما تعرف بالمرة


الخيانة في بعض الأحيان بتكون الشعور الأجمل إذا كان الشخص المغدور بيستحقها
لأنو زي ما انتو عارفين في عينة من الناس الله يعزكو هي وإلي في رجلكو واحد
هدول المتكبرين والمتنمرين وإلي شايفين انو كل المجتمع بيتمحور حواليهم بس.


منشان هيك يا جماعة أعرفوا كيف تنقوا أصحابكم وحالوا تعرفوا مشاعر أخوانكم وخواتكم اتجاهكم
قبل ما توقع الفأس بالرأس وإثقوا دوماً ودائماً علي حدسكم واسمعوا شو بيقول لانو لو ما كان الضمير إلو فائدة لما كان الله أوجده في النفس


يا جماعة أنا كتبت والله من كل قلبي وبتمني الكل يبدي رأيو بهاد الموضوع الحساس
والله يوفق الكل

يسلمووووووووووو