قصيدة(نعم كالوا)
,,,,,,,,,,,,,,,,,,,,,,,,,,,,,,,,,,,,,,,,*
نعم كالوا جديد الوطن راح يصير*هواي اللي حجوا بس ما ينفذون
وعن يا وضع تسأل؟حته أحاجيك*عن وضع العراق؟يبجي العيون
وإذا خنساء وحده وما رضيت بهاي*ومقهور إنته من جانوا يعزون
بناسك هالوكت ما ظل بعد حيل*بكل ساعة ألف جادر ينصبون
ولا تلوم الناس من تنسه اللي مات*حقهم لو نسوا ياهو اليذكرون؟
ومحروس الوطن بس إسأل شلون؟*نفس حراسه بي همه اليبوكون
وصحيح الدنيا خربت والوطن منهوب*ومزاد بكل وكت كاموا يعلنون
وبير الحزن مو إحنه الترسنا*الاجونه شما وشل دم بي يديرون
وما تاه الوضع نعرف وضعهم زين*حراميه لجن شرطة يلبسون
كبل جانت الغيرة ولا تزال الآن*وصوت الغيرة عالي الكل يشهدون
وأبوالغيرة عدل(يضياء)ياخوي*ينادي بعالي صوته وما يسمعون
كبل جان الامان بكل وكت موجود*لكن ضاع هسه إعله اليدورون
كبل واحده يمشي ورافع الهام*وهسه الناس من ظلهم يخافون
جان البيت موطن يحضن النجمات*وصفه الغربان بي همه الينامون
وجانت شمس بي تتحده الغيوم*وعصافيره بفرح جانوا يغردون
لازم يا(ضياء)الحيل بينه يعود*وما نسكت أبد ويه اليسكتون
نطلع كل غريب وكل لفو هنا*ومو عالجدم بل زحفا يطلعون
مو عالجدم بل زحفا يطلعون
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,*
*مع حبي إعتزازي بكل عراقي شريف تدمع عينه على عراقه الجريح*
*علما بأني أنتظر ردودكم وملاحظاتكم حول الموضوع*
*ومستعد لتبية طلب أي شخص يريد مني قصيدة حول أي موضوع*
والمقصود ب(ضياء)هو أخي وحبيبي المبدع(ضياء الميالي)شاعر الاغنية الاصلية *الشاعر رائد الاديب*
: iraqi:
05-31-2008, 06:13 PM
مو كالوا جديد الوطن راح يصير "رد على أغنية الفنان حسام الرسام"
العرض العادي
