عن لسان القائد صدام حسين

عن لسان الرئيس القائد صدام حسين : وكفت لوحدي محد اجه او ياي

الشاعر حيدر

هذه القصيدة كتبها احد ابناء مدينة الناصرية عن قائد المقاومة العراقية الرئيس القائد صدام حسين فك الله اسره واسرى رفاقه

عن لسان الرئيس القائد صدام حسين



وكفت لوحدي محد اجه او ياي

مااحتاج وكفه بدون غيرة

مسحت دموعكم من هدت الخيل

وحفظت عروش وشيوخ او عشيرة

ياهو الماشبع من نفط كركوك

وياهو اليوم عزماني على خيره

أعتب عل شرب من لبن اربيل

واعتب عل اكل خبز الصويره

وأعتب عل سكف من سمج بغداد

وأعتب على الحجه حجاية زغيرة

وأعتب على العكل مابيهم الزين

وأعتب على اليلف راسة بحريره

وأعتب على الغفة بحظن ابو النؤاس

اشلون اليوم دجلة اتظل اسيره

وأعتب على اليتاجر بلاذاعات

وأعتب على الاذاعات الحقيره

وأعتب على ليدور فيزة وياي

وأعتب على السحب مني سفيره

وأعتب على المعظم ساكت شبيه

أجه الامريكي ويحدد مصيره

وأعتب على الكاظم و الحمامات

ماطارن اسيوف أتغير غيره

وأعتب على الحسين الكاللهم لا

وين الا مو صارت جبيره

تقبل ياسعد رستم على الباب

وعلى نهر الفرات ايصير سيره

تقبل ياعلي الفقار مهظوم

ومن كبتك يبوك النذل ليره

وأنه انطاقي دول مو جلبت بيه

وأمس حفظيت هيبتها الجزيرة

أحاسبكم على كل ماجرى وياي

كلمن ذنبه بعيونه وجريره

عراق واسمك ايهز الكون

ولازم ترجع اتقود المسيرة