ما معنى الخيانه

ما معنى الخيانه؟



الخيـــــــــــــــــــــــــانـــه

ايه ده ...ايه الكلمه الصعبه دي

فعلا كلمه خيانه كلمه بسيطه جدا ....لكن معانيها كبيره جدا

وصور الخيانه كتيره جدا ومتعدده

شفنا مشاكل كتيره بتتكلم عن خيانة الاصدقاء

واكتر عن خيانه الازواج

ومواضيع اكتر واكتر عن خيانة الذات ...بس عادتا المواضيع ديه بتكون غامضه

ومش بيكون فيها اعتراف بان الانسان خان نفسه

شكل كده الموضوع كبير

وده معناه اننا عايزين اراء كتير


ويا ترى انت او انتي خنتوا قبل كده ؟؟؟؟ .....السؤال صعب اوي مش كده .....

طيب يا ترى حد خانكم قبل كده ؟؟.....واتصرفتوا ازاي؟؟


ازاي ممكن نتصرف مع الخاين او الخاينه ..؟؟

هل الصديقه تبعد عن صديقتها اللي خانتها واتخدعت فيها
وتبكي على اللبن المسكوب...
او الصديق يقول طالما صديقي خاني انا خلاص مش هخلي بالي ومش هأمن حد على اسراري او افكاري؟

والزوج او الزوجه ينهوا حياتهم الزوجيه بالقتل او الانفصال مع الندم الابدي؟


طيب يا ترى سهل ان الانسان يعترف بالخيانه اياًَ كانت حجمها ؟

طيب هو صح ان الواحد يعترف ...ولا يخبي ويداري ويقول اهي الامور هتعدي وكأن شئ لم يكن ؟

وايه هي الاسباب اللي بتخلي البني ادم يخون ؟

ويا ترى الخيانه اصبحت سهله على الناس والموضوع مش فارق معاهم ؟



اتمنى ان نتبادل الاراء والافكار ...وان شاء الله نتعلم من بعض

ونحصل على نتائج رائعه من مناقشتنا الراقيه ...لنعش ايام هادئه ان شاء الله

ولكم مني كل الحب والتقدير
أخوكم أحمد .................

اصعب الامور التى من الممكن ان تواجه الانسان هى الخيانه
والخيانه تخلق بطبعه واحيانا يكتسبها
لان معنى الخيانه هى صدمه كبيره يواجهها الانسان من انسان لم
يتوقع منه
اما من تتوقع منه هذا فهى ليست بخيانه لانك كنت تعلم مسبقا

الخيانه موجوده عند المرأه والرجل ,اما النسبه فانا ارجح ان الرجل
اكثر خيانه وجاء استنتاجى بناء على كثره القصص والروايات التى معظمها تدين الرجل ,بهذا الامر
وثانيا ان المرأه بحكم عاطفتها الشياجه ,وحنانها ,والحب الذى زرعها الله بقلبه ,لتكون ام رؤوم ,فتقل نسب الخيانه لديها
والخيانه ايضا تعمد على الظروف ,التى مر بها الانسان , قد لا تكون من منطلق انتقام ,ولكن قد تكون لبحثه عن حياه يعتقد بها ان يكون اسعد ,



والخيانه ليست بالزوج او الزوج فالخيانه تتجسد بكل امور حياتنا ,مثلا كعمل تجارى ,زواج ,صداقه ,
اذن الخيانه هى تقديم صدمه مروعه لم هو ينتظر منك غير ما حدث ,هو مفاجأه
تدمر من هو امامك ,وتدمرك ايضا
اما السبب فهو غير معلوم ,واعتبر ان الخيانه نابعه من النفس ,وهى تجرى
بالدم وتابعه لجينات الوراثيه للانسان ,ويستطيع التغلب عليها باقتراب الانسان من ربه ,والعمل بتعليمات دينه التى تساهم بنسبه كبرى فى ردعه
عن كل الاخطاء ,



ويسلمو كثير على الموضوع الروعه