هل من الممكن أن يحب الانسان اتنين فى وقت واحد

dr ahmed · 06-20-2008, 12:46 AM

هل من الممكن ان يحب الانسان اتنين فى وقت واحد؟!!!
وعلشان يكون سؤالى مفهوم اكتر انا اقصد هنا بالحب العاطفى او حب العشاق
ممكن شخص يحب اتنين بنفس القدر
هل ممكن ان يحدث هذا فعلا!!!!!
ممكن تسالونى ازاى ممكن يحصل ده
طبعا باختلاف الظروف الخاصه لكل انسان بس انا هقول مثال يبين كلامى اكتر
مثلا لو بتحب شخص اوى وهو كمان بيحبك جدا واتعاهدتم سوا على انكم تكونو لبعض
لكن حصل ظروف لحبيبك بعدته عنك فترة ممكن سفر ممكن عمل ....الخ
وانت عايش على امل رجوعه ليك لكن الفترة دى طالت شويه
مش هظلم الشخص ده واقول انه كان بيلعب بالبنت اللى بيحبها ممكن تكون ظروف غصب عنه وكمان عشانها

هتقولولى وفين المشكله؟!!!
المشكله انه فى الوقت اللى هو بعيد عنها دخل شخص تانى حياتها بطريق الصدفه كلمته وحكيت له عن ظروف حبيبها وانها بتحبه وعايشه عشانه
الشخص ده وقف معاها وساعدها اوى اوى وكان بيعينها على متاعبها وبيصبرها على فراق حبيبها ليها وكان بيحاول يخرجها من حالتها النفسيه السيئه على اعتبار انه صديق مقرب
لكن!!!!!!
مع مرور الوقت الصديق تحول لحبيب اصبح لايستطيع الحياة بدونها لانها ايضا كانت بتقف بجواره فى ازماته وكانت تواسيه فى محنه الصعبه
هى على حد قوله اعادت له الحياة ورجعت البسمه له واصبحت كل حياته
واصبح يحبها اكثر من اى شئ على الرغم من معرفته السابقه بحبها
قال لها انا لا اطلب منكى ان تحبينى لكن اتركينى احبك لانى سعيد بهذا الشعور الذى لم اشعر به من قبل

هتسالونى طبعا وموقف البنت ايه؟!!!
البنت للاسف لا حول لها ولا قوة
معذبه وحيرانه
مابين بقائها على عهد حبيبها وبين احساسها بحب واحتواء شخص اخر لانها مفتقده هذه المشاعر الجميله منذ ان تركها حبيبها
ووجدت ايضا فى الشخص التانى صفات جميله متوافقه مع شخصيتها
واكيد هى بشر ولازم تكون حست حتى ولو بينها وبين نفسها بحاجه حلوة ناحيه هذا الصديق

ياريت اللى عنده رد على هذا الموضوع يقوله او اللى مر بموقف شبيه يحكيه للاستفاده
أخوكم أحمد.....................