كــاكــا البرازيلي والميلاني .. مــســلــم !

انتر وبس · 08-10-2006, 02:00 PM

بسم الله الرحمن الرحيم

السلام عليكم ورحمه الله وبركاته

اخواني واخواتي الاعضاء والمشرفين والزوار الكرام ..

اول شي وصلني قبل جم يوم خبر وحاولت اتأكد من صحته لكن المصدر كان موثوق الصراحة .. وانا ظنيت انه يكون صح لان سمعت فيه من كذا شخص وحبيت انقله وازفه لكم وانشالله انتوا عليكم الدور انكم تتأكدون منه وتعرفون اكثر عن التفاصيل ..

وصلني خبر بأن لاعب خط وسط اي سي ميلان الايطالي ولاعب خط وسط منتخب البرازيل .. اللاعب المتألق هذا الموسم المطالب من قبل ريال مدريد الاسباني وصيف البطل برشلونة الاسباني حامل اللقب لعامين وان شاء الله الثالث العام المقبل .. اللاعب الشاب .. كـــــاكــــــا .. يقولون انه أسلم يعني بالكويتي .. صار مسلم

والله انا ماعندي صورة تدل على ذلك بس حسب اعتقادي انه ما تصير انه اشاعة لان هذا اسلام وديانة على كاكا .. فمادري اعتقد انه الخبر صحيح .. وانشالله يكون صحيح ..

وثاني شي انا احب اقول انه ميسي اسلم ترى من ورى اللعب العملاق زين الدين زيدان لاعب ريال مدريد سابقا ولاعب منتخب فرنسا وقائد الفريق هم سابقا ..

والحين اللاعب كاكا بنفس الروح ونفس السبب يعتنق الاسلام والحمدالله على كل حال وان شاء الله تتزايد هذه الاشياء .. لان بعض اللاعبين كبار واحنا يا مشجعين نقلدهم بجنون .. يعني اذا كاكا صار مسلم او ميسي .. ترى ملوين واحد راح يعتنق الاسلام ولله الحمد مرة ثانية ..