ابليــــس يصـــف الوضـــع والحالـــة في البلاد العربية و الاسلامية

the big devil · 07-04-2008, 11:48 PM

ابليــــس يصـــف الوضـــع والحالـــة في البلاد العربية...

كان في غرفته, يلملم ملابسه في حقيبة إلى جانب باقي متعلّقاته, على المنضدة القريبة

كانت استقالته موقّعة ومختومة حسب الأصول, وبجوارها تقبع ون-واي تيكت إلى جزر القمر .

كانت ملامح وجهه في تلك اللحظات تنطق بالحزن, الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست بالقريبة,

واعترافٍ بالعجز والفشل

.
إبليس راحلٌ عن بلادنا إلى غير رجعة... فليفرح المؤمنون...

- وين يا مسهّل؟ ليش عم بتضبّ اغراضك؟

- يازلمة ماظلّلي قعدة عندكو, إلي سنين عاطل عن العمل وقرّبت أموت من الجوع.. بلاقيش معك سيجارة ?

مش قاطع فيكو لا وسواس ولا خنّاس! كنت زمان بوسوس للوحدة تسيب ابنها يعيّط وهي بتحكي مع جاراتها, هلا صاروا لحالهم يرموا اولادهم في
! الحاوية أوّل مايجوا

كنت أوسوس للواحد ينسى يسمّي الله قبل مايوكل,هلا بطّل حدا لاقي إشي يوكله! يازلمة إذا أنا إبليس تسمّمت بالشاورمة

كنت اوسوس للحكام لكي لا يساعدو فلسطين فاليوم اصبحو يساعدون اسرائيل

كنت برضو بوسوس للشب يرميله كلمة على البنت وهي ماشية بالشارع, صاروا البنات يطقّسوا
على الشباب بكلام أنا نفسي بستحي أحكيه

واحد بسرق 6 مليون دينار عينك عينك بحبسوه 3 سنين بشاليه على شطّ البحر, وتنين بنبشوا في مكبّ الزبالة بتطخّهم الشرطة, إنتو بدّكو إبليس إنتو؟

صار عندكم فائض في الفساد بكفّي 30 سنة لقدّام, صرت أخاف على حالي منكم

يازلمة مرّات بضطرّ أوسوس بالشقلوب وأقول للمسؤول إرحم وللحرامي بكفّي خلّي شويّ للحراميّة اللي رح ييجوا بعدك

يعني إذا إنتو لحالكو سمالله بتعملوا كل هالبلاوي, أنا إبليس شو أعمل؟ أشتغل شوفير تكسي يعني ولاّ أفتح صالون حلاقة؟ ماظلّ غير أقدّم للأوقاف
يعيّنوني واعظ أو إمام جامع
ثمّ فتح الباب وانطلق خارجاً إلى غير رجعة..
ههههههههههههههههههه
ادا هل حكي مزبوط رايح هلا اضبضب غراضي و الحق ابليس

the big devil