تجين ولا يا عنيده تروحين
مااحد خذا غيرك مكان بحياتي
خلصت عقبك من جميع المزايين
صارن عفيفات العذارى خواتي
حبي لك اكبر من حنان المحبين
واقرب بواجد من خفوقي لذاتي
انا الجسدو انتي لي الروح والعين
انا ضرير الشوف وانتي عصاتي
مهما تجا هلتي عن الحال تدرين
عندك خبر في سيئتي وحسناتي
لو كنت غامض للموده نياشين
تفضح عيوني للعواذل سكاتي
ليا من ذكرت ايام مرت من سنين
تخنقني العبره وتابس شفاتي
اشفق على وقت الطفوله هاكلحين
ما من عذول وما لحقنا شماتي
صغار ما ندري عن الزين والشين
في كل ساعه نجتمع ما نحاتي
اذكرك يوم انك علينا تمرين
لبسك قبل ما تلبسين العباتي
ذيك اليالي وين واليوم انا وين
بعيد عنك ما يفيد التفاتي