أكبر أستطلاع رأى على مستوى مصر!!!

Z E R O · 07-06-2008, 03:48 AM

فى البداية لازم تعرفوا الحكومة المصرية
هى كالآتى:-

رئاسة مجلس الوزراء

السيد الدكتور / أحمد محمود محمد نظيف

رئيس الحكومة واللى مفروض انه مسئول عن الشعب
----------------------------------
وزارة الدفاع والانتاج الحربى

السيد المشير/ محمد حسيــن طنطاوى سليمان

ولآننا فى النهاية مصريين

أذن كلنا مع وزير الدفاع

وهو أيضا خارج أستطلاع الرأى

خارج أستطلاع الرأى

=======================

وزارة الزراعة وإستصلاح الأراضى

السيد المهندس / أمين أباظة

سيادتة طبعا كل المصريين عارفينة

مش بيزرع قمح ولاقطن

أحد أسباب مشكلة عدم وجود رغيق الخبز

ناهيك عن المبيدات المسرطنة والآفة الزراعية والدود والزى منه

====================================

وزارة الإستثمار

السيد المهندس / محمود صفوت محيى الدين

باللغة العامية أسمه وزير رجال الاعمال والمشاريع اللى مش بتنفع المصريين

لكن تنفع طبقة معينة

=================================
وزارة الخارجية

السيد/ أحمد على أبو الغيط

طبعا سيادتة مايعرفش عدد المصريين فى الخارج ولا يعلم عنهم شيئا
ولا يعرف كام مسجون مصرى فى الخارج
ولا كيف يعملون ولا كيف يعيشون
مش مهم بيطبق المثل ( اللى خرج من دارة أنقل مقدارة )

================================
وزارة الإعلام

السيد / أنس أحمد نبيل الفقى

برامج التليفزيون بقت هايفة قوى وبتخدم ناس معينة ناهيك عن الفيديو كليب والعرى
وما يحدث فى التليفزيون المصرى
والاخبار اللى تعجبة يزيع واللى ماتعجبهوش مايزعش
================================
وزارة الثقافة
السيد/ فاروق عبد العزيز حسنى
مش عارف اى ثقافة نفسى أعرف نوع الثقافة دى
وللحديث بقيه
=================================

وزارة العدل

السيد المستشار/ ممدوح محي الدين مرعى

حسب معلوماتى والله أعلم وقد أكون جاهل
المفروض أنه بيمثل قاضى القضاه أو أمير المؤمنين
أنا شخصيا أرسلت لسيادتة أكثر من مظلمة ولم ينصفى
=====================================
وزارة التربية و التعليم

السيد الدكتور/ يسرى الجمل

أنا قلت لآولادى طول ماهذا الوزير فى هذة الوزارة

لن أستحمل أن تكملوا التعليم

هشغل الولد لاعب كورة

والبنت ربنا يتولاها

================================

وزارة السياحة

السيد / محمد زهير جرانة

سيادته بيطلقوا عليه وزير الافواج الآسرائلية فى مصر
لآن كل الافواج السياحية فى مصر أسرائيلية
===============================
وزارة الدولة لشئون مجلس الشعب
السيد/ كمال محمد الشاذلى
أنا شخصيا أجهل هذا المنصب
مش فاهم يعنى أيه ؟
====================
وزارة الدولة لشئون مجلس الشورى
السيد/ مفيد محمود محمود شهاب
شرحة
======================
وزارة الصحة و السكان

السيد الدكتور / حاتم الجبلى

وزير المستشفيات الخاصة فقط
واللى فقير وعيان
مايغور يموت ويريح البلد منه
==============================
وزارة الاسكان و المرافق و المجتمعات العمرانية

أحمد علاء الدين أمين المغربي

ثمن أقل شقة مساحتها 35 متر فى مشاريع الاسكان تقريبا 100 ألف جنيه

يعنى الشقة عبارة عن

حمام وصالة وشباك ولمبة فى الصاله صغيرة

==========================

وزارة الدولة للتنمية الإدارية

السيد الدكتور/ أحمد محمود عثمان درويش

سبب شقاء الموظفين

==========================

وزارة الأوقاف

السيد الدكتور/ محمود حمدى زقزوق

أنا شخصيا مش بأدفع زكاة المال لآنى ماعنديش مال

ولا زكاة الارض ولا الاطيان ولا أى زكاة فى الدنيا

وتقريبا زكاة رمضان حسب التساهيل

=============================

وزارة القوى العاملة و الهجرة

السيدة/ عائشة عبد الهادى

الست دى أول مادخلت الوزارة كل العمال فى كل الشركات والمصانع كانت بتغنى
الست دى أمى
لكن أصبح الناس كلها العمال بلا أم
أيتام يعنى
هل يجوز أن نغنى الست دى مرات أبويا؟
=====================================
وزارة التعليم العالى
طلبه الجامعه بتاعت الحكومة
بيبعثوا رسائل تهنئة للسيد الوزير
على أحساسة بيهم
وبيقولوا له شكرا ياباشا على أنتخابات أتحاد الطلبه
وكمان المناهج وكمان الدروس الخصوصية فى الجامعه
واللى ليه ظهر ماينضربش على بطنة
========================
وزارة الدولة لشئون البحث العلمى

السيد الدكتور/ هانى هلال

أعتقد ان مافيش أبحاث فى مصر

التقارير بتقول كدة

أو كل الباحثين مش بيعرفوا حاجة

====================

وزارة الموارد المائية و الرى

السيد الدكتور/ محمود عبد الحليم أبو زيد

عندنا الناس فى مدينة 15 مايو مش لاقيين المياه خالص

===================================

وزارة الداخلية

السيد اللواء / حبيب ابراهيم العادلى

أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ ه ربنا يستر

جالك الموت ياتارك الصلاة

زى الفل وميت فل وعشرة وقشطة

وتمام التمام والله الفرح منور بالسادة الضباط

أعتقد كدة مافيش غلط

الحمد لله

ربنا يعدى الفرح على خير
=============================
وزارة الدولة لشئون البيئة

السيد المهندس / ماجد جورج الياس غطاس

بيئة؟

والله أنا شخصيا حاسس أنى بيئة؟

يعنى أيه بيئة؟

==================================

وزارة الكهرباء والطاقة

المهندس/ حسن أحمد يونس

الله ينور ياباشا

هو كيلو الكهرباء بكام النهاردة

عارفين الكهرباء دى عاملة زى القوطة مجنونة كل يوم بسعر

==================================

وزارة التجارة الخارجية و الصناعة

السيد المهندس / رشيد محمد رشيد حسين

أعتقد التجارة فى مصر بتعتمد على الشيبسى والبوزو والكاراتية

==========================================
وزارة النقل

المهندس : محمد لطفى منصور

احنا بنروح الشغل سيرا على الاقدام
مافيش نقل
الله يرحم أيام زمان كنا بنروح الشغل على العربات الكارو
===========================================

وزارة الدولة للإنتاج الحربى

السيد الدكتور/ سيد عبده مصطفى مشعل

ماشاء الله أعلانا تحمل اسم حضرتك تملآ حلوان كلها
تهانى وتبريكات وكل حاجة ويفط نيون عليها صورتك
==============================================

وزارة الطيران المدنى

السيد الفريق/ أحمد شفيق

ماأعتقدش أنى هدخل المطار

وهدخل المطار ليه؟

======================================

وزارة الدولة للتنمية المحلية

السيد/ محمد عبد السلام محجوب
مش فاهم؟
يعنى حضرتك بتاع المجالس المحلية؟
أقول لحضراتكم حاجة
مافيش عضو مجلس محلى بيعمل أى حاجة لله
=======================================

وزارة التعاون الدولى

السفيرة/ فايزة محمد أبو النجا

يعنى نتعاون احنا وأسرائيل وأمريكا وكدة يعنى؟

وألا ايه؟

طيب نتعاون فى أيه؟

==========================================

وزارة الاتصالات و تكنولوجيا المعلومات

السيد الدكتور/ طارق محمد كامل محمود

بيقولوا التليفونات غليت
أنا ماعنديش تليفون الحمد لله
مش قادر ادفع الفاتورة
====================================
وزارة المالية
السيد الدكتور/ يوسف بطرس غالى
عارف حضرتك
غلطتك الوحيدة
أنك ماقدرتش توفر موارد لل 30 % العلاوة
أضطريت تاخدها 50 % من الغلابة اللى زيى
==========================================

وزارة التضامن الاجتماعى

السيد الدكتور/ على السيد المصيلحى

حبيب قلبى وروحى وعقلى

بهدلنى وشردنى علشان أنا تابع لوزارته

وكمان سلط عليه بتوع التموين

أخدوا منى فلوسى ومرتبى وشردونى

ربنا ياخدهم يارب

نصفهم مرتشين وأسألونى أنا

أنا عارفهم بالآسم
=================================
وزارة البترول

السيد المهندس/ أمين سامح سمير فهمى

كل فلوس البترول للاعبى الكرة

========================

جه دور الاستفتاء

السادة الاتى اسمائهم هيدخلوا الجنة؟

1_ نعم

2_لا

3_يبقى يقبلونى

4_طبعا ماينفعش

5_مش كلهم

6_الله أعلم

7_عزبوا المصريين
قول رئيك