آه مـنّــك يـادمـوعـي لـيـلـة الـفـرقـا نـزلـتــي .

آه مـنّــك يـادمـوعـي لـيـلـة الـفـرقـا نـزلـتــي .
. والعرب تنظر وتسأل ياترى وشهي المصيبة .
.
الله اكبـر ياعيونـي كـم مـن الحـسـرات نلـتـي .
. نلتي الحسرات ما هو بالرضـا لكـن غصيبـة .
.
وان صمدتي ياعيوني وان صبرتي واحتملتـي .
. حاربك همّ الفراق وخاسـر ٍ مـن هـو حريبـه .
.
ياظـروف الوقـت حنّـي والله انــك قــد قتلـتـي .
. خافق ٍ مجروحْ وجروحه من الفرقى عطيبـة .
.
يالليالـي الـسـود بالله لـيـه فيـنـي مــا عدلـتـي .
. لـيـه شبيـتـي خفـوقـي لـيـه زودتــي لهيـبـه .
.
يالمشاعـر لـو نزفـتـي واحترقـتـي واشتعلـتـي .
. كـل هـذا مايـرجّـع صـاحـبٍ فــارق صحيـبـه .
.
يالحبيـبـة فــي وداعــك لـيـه للـونـات شـلـتـي .
. كان ودي ترحلـي مـن دون صـوت يالحبيبـة .
.
يـوم جيتينـي بعلمـك يـوم عنـدي قـد وصلـتـي .
. شفـت انـا بعيـونـك آثــار ٍ لدمـعـاتٍ غريـبـة .
.
اثرها الفرقى دعت لك واثرك انتي ما احتملتي .
. اثرهـا الفرقـى علينـا حكّمـت سيـف الغليـبـة .
.
قـد عطيتـك قلبـي آنــا وانـتـي بقلـبـي دخلـتـي .
. قلـت هـذا بيتـك العامـر بقلبـي وانـزلـي بــه .
.
وانتـي بحبـك عطيـتـي وانـتـي بحـبـك بذلـتـي .
. ميـر خانتنـا ظـروفٍ ظالـمـة ْ جــدا صعيـبـة .
.
والله انـك يـوم رحتـي والله انــك قــد جعلـتـي .
. حالتي مثل المريـض اللـي يئـس منّـه طبيبـه .
.
بعـد مارحتـي وغبـتـي بـعـد ماعـنـي انتقلـتـي .
. انتظر موتي يجيني عمرْ ضايعْ وش ابي بـه .