أحبه

أحـــبـــــه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,*

ويقولوا : إن الزين بس للصبايا
حكي الجياكر صدق مأخوذ خيره
عندي حبيب فيه كل المزايا
فوق الشهامة .. أشهد إنه دميره
له ضحكه تسوي سواة وسوايا
ورزة عقال .. ماهي لحد غيره
وغمازتين هناك صوب الشفايا
ونظرات عيون بالخلايق خطيره
ودي أشوفه كل لحظة معايا
عيني بصيره بس اليد قصيره
صرت المحه في عين كل الزوايا
وأموت لاجى ذكره بأي سيره
أترك عشانه كل عمري ورايا
وأبني له بوسط الحشى ألف ديره
سبحان من خلى الحُسنْ فيه آيا
قلبي هواه .. ومدري وش هو مصيره
من يوم شفته .. الوصل صار غايا
ورسمت في لحظة أماني كثيره
وأظن تناسيت كل البلايا
وعيوبه صارت في عيوني صغيره
كحيان ومنتف .. قليل العطايا
مير أشعر بظله كني أميره
يرمي سهام العشق أحسن رمايا
وينيشن قليبي وينثر عبيره
كم مره يحلف ماله سوايا
ولاجى يناديني .. ينادي سميره
لكن أحبه يا بلاه وبلايا
وأبقى أتحمل سلبيات كثيره
لأني وهبته الروح وأجمل الهدايا
حبي مع أخلاصي .. على شوية غيره
وصرت أعذره .. وأهيم به على عمايا
وأقول بيرجع لي ويعقل مسيره
جنن قلوب الناس .. وأحلى الصبايا
وعذب لي قليبي ملعووون خيره

قصيدة أحبه للشاعره ( نهـى نبيـل ) ...

يسلموا كتير كلمات جميلة اميرة فلسطين تقبلوا مروري

كلمات حلوه وراقيه من شخص احلى

أخواني .. سـومـا & عجوز لبنان & أميرة فلسطين
اشكركم جميعاً على مروركم الرائع
تقبلوا تحياتي جميعاً .. ودمتم