وين صفينا يالعراق

وين صفينا يالعراق

صفينه ايدنه وي الكَاع حتى الكَاع ملّت من خطاوينه.. ـ
وصفينه ركام يامهيوب اسمك .. ليش تريد تمسح كل اسامينه..ـ
وصفينه ايد تلوي الايد بعد ماحار الوكت شلون يلوينه..ـ
وصفينه الدم للركاب يسيل بكل بيت الجفن حضرناه اخاف الموت يلفينه..ـ
وصفينه من الغروب انّام بعد ماجانت سهر كلها ليالينه..ـ
وصفينه نكَول للي يموت روح اخّلص من قهرنا ومن بلاوينه..ـ
وصفينه بالتفكَ متحزمين بس نكتل بعض والموت حادينه..ـ
وصارت كل مدنّا كَبور ظلمه ونلبس بس سواد شوكت ماجيت تلكَينه..ـ
وصفينه عالهويه نذبح الجيران ولا جن سنين الحلوه وياه كَضينّه..ـ
وطولنا اللحايا وكَصرنا الثياب وصار بأسم الدين تطلع كل فتاوينه..ـ
وصفينه نخبط الصافي بنهرنا الماصفه فد يوم طينه..ـ
وصفينه نعيد بالتاريخ ولعصر الجاهليه اليوم ردينه..ـ
ولاجنّه اول حضاره صارت اعل الكَاع ولا جن اول مسلّه احنه سنّينّه..ـ
ولاجن حكمنا الدنيا من بغداد ولا جن المنايا تخاف لو سمعت بطارينه..ـ
ولاجن كَبل واحدنه من ينضام يفز الكَلب من حشاه ويعينه....ـ
.شجــــــــانه اليوم بس كاتل ومكتول ولا رحمه بكَلبنا - كَلي شبينه؟؟..ـ
نبوكَ من الليالي مسامر الخلان ونكَطع وصل حبهم من شرايينه..ـ
نحرّم كل ترافه تخطر اعل البال وندندن صرنا بالبسكوت اغانينه..ـ
وصفينه كلـشي ماحاوين لاحاضر جديد ولاماضي قديم اللي يواسينه..ـ
نهاجر نكَول بلكي يهدّه البال برّه وتتحقق امانينه..ـ
ومن نفرح غفُل نبجي بدمع مهضوم لان فرحتنا تغّص بكل مآسينه..ـ
جاوبني يالعراق وكَلي ليش هيجي صفينه؟؟؟ـ
.

المذهله
كل الحب والتقدير
والاحترام والامتنان
لك على هذا
السرد الجميل
للواقع الاليم
الذي نحن فيه
ولكن ان شاء الله
العراق راجع
ويبقى اسم العراق
عالي عالي
برجاله ونساءه
شكرا لك
ابن العراق
علي الموصلي
يحييك
من القلب

المذهلة
بكل جمال الكلمات والسرد الجميل
عبرت عن واقع أليم يعيشه العراق
أرض الحضارة وعنفوان الأمجاد
لك مني كل شكر وتقدير
على تعبيرك المفعم بالجمال
وانشاءالله يعود للعراق مجده
بزنود ابنائه وهمة رجاله الأبطال
شكرا لك على البوح الجميل
فراس

المذهلهـ انتي فعلا مذهلهـ وكلماتكي مذهلهـ لكي مني اطيب تحيه على مجهودكي الاكثر من رائع
دمتي .............

جزيل الشكر لمروركم الجميل

يبقى العراق عالي مهما حصل

بنت العراق الجريح

عاشت ايدك ابداع رائع وانشاء الله تزول هذه الغمة عن هذه الامة
تحياتي وتقبلي مروري

مذهله ومبدعه
عاشت يمينك على ماخطت
وقلمك الذي ابدع

روعه يا مذهله شكرا
على هذه الكلمات الجميله
وشكرا على الموضوع الجميل
عاشت الايدي واصلي جديدك
شكرا تحياتي لك ابن العراق
سيف الكبيسي شكراااااااااااا

كلمات رائعه جدا

دام ابداعك

تقبل مروري البسيط