حب قاسي

فلسطيني حتى النخاع · 07-29-2008, 09:41 PM

لا جيت ابنسى واتراجـع واسامحـك
صاحن جروحي واشتكن لي طعونـك

كلك خيانه قول .. وشلـون ابمنحـك
وش موقفك من شخص دايم يخونك !!

اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك

اللي تقوله صح .. لو كنـت جارحـك
(مير) انت غارق للاسف في ظنونـك

وصفك نسيته بس .. باقي ملامحـك
بنهيـك وانهـي بالنهايـه جنـونـك

ماتستحـق امـد (كفـي) واصافحـك
مثلك غلط عمري وابحيـا .. بدونـك

لعبـت دورك شاهـداتٍ مسـارحـك
خدعتنـي واظهـرت خافـي فنونـك

كنت اعتقد .. قلبي هو ابرز مطامحك
اللي يبيـع النـاس لجلـه يصونـك

تعبت اسوق الشوق يمك واصارحـك
اخلصت لك بالحب .. شوفت عيونـك

لكن خسارة صرت غايـة مصالحـك
ياليتنـي ماجيـت .. لحظـه بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتي .. ابمسحـك
هديت صرحـك ثـم طاحـت ركونـك

ولابي عيوني لـو تصـورت تلمحـك
اعلنت موتك .. وانسجن لي كفونـك

وان جيت تطلب .. ترتجيني اسامحك
بهديك طعنه .. مـن بقايـا طعونـك

احترامى للجميع

فراس ع ر · 07-30-2008, 03:40 PM

فلسطيني حتى النخاع
كلمات جميلة
نابعة من قلب ثار على الغدر
ثار على الجرح
وفتح ابوابه للحياة من جديد
ناسيل كل ما تلقاه من طعنات
شكرا لك على البوح الجميل
فراس

فلسطيني حتى النخاع · 07-30-2008, 07:08 PM

شكرا كتير يا فراس والله كلك ذوق

سوما السمسومه · 07-31-2008, 12:13 AM

الف شكر ع الموضوع الجميل
soma

فلسطيني حتى النخاع · 08-26-2008, 12:15 AM

شكرا كتير على مرورك يا سوما السمسومه