الطموح يصنع انسان بدء حياته بتفاحه واصبح مليونيرا(قصه حقيقيه)ادخلوا وشوفوا العقل والط

السلام عليكم ورحمة الله وبركاته:
فى حكايه بتمنى تسمعوها وتركزوا فيها اوى لان بيها معانى كتيره لاى شاب وعلى فكره دى قصه حقيقيه,القصه بتقول:
كان فى شاب امريكى كان من اسرة فقيره جدا جدا ووالدته ووالده ماتوا ومتركوش ليه اى حاجه ,ومن شدة الفقر ماكنش معاه فلوس ياكل وكل لما يدور على شغل يترفض بسبب مظهره,
وفى مره وهو ماشى شاف بتاع تفاح فبتاع التفاح لما شاف منظر الشاب ده صعب عليه اوى واعطاله تفاحه,
تعرفوا عمل بيها ايه؟طيب هقولوكوا,
ماكلهاش وراح بعها واخد فلوسها واشترى بيها تفاحتين من الراجل وباعهم واخد فلوسهم واشترى غيرهم لغاية لما التفاحه بقت قفص بقت قفصين وبعدين ترك الراجل ده واشتغل مع التجار الكبيره لغاية لما بقى مليونيييييييييييييييير.
على فكره الراجل ده بيضرب بيه المثل فى الثراء الاعلامى فى امريكا لان بعد كده بقى عنده مطابع كتيره وكان بيفوت عليها جميع الصحف والمجلات بامريكا وبيقولوا انه كان عنده امبراطوريه اعلاميه.
بس استنوا انا لسه ماخلصتش الحكايه,
ماعلينا,فى مره الراجل ده كان قاعد فى كافيه فشاف منظر شاب فقير برضه ,فنادى عليه واعطاله 10 دولار وقاله ابدء حياتك بيهم ,طبعا الشاب استغرب اوى واستهزء بس بعد لما سمع الحكايه دى اخد الفلوس وبدء بيها مشروع صغير جدا والمشروع كبر والحال اتيسرت ,وقعد يدور على الراجل اللى نصحه ده علشان يرجعله الفلوس بتاعته بس هو رفض وقاله انااعطيتك نصيحه تساوى كنوز وامره انه ياخد 150 دولار ويوزعها على المساكين ويحكى الحكايه دى .
اولا بتمنى ان الحكايه تكون عجبتكوا ,ثانيا وده الاهم ياريت تكونوا استفدتوا منها ومش لازم بقى نقول اصل ما فيش شغل او الشغل مش مناسب مع تعليمى وصدقونى لو دورتوا بجد هتلاقوا,
بس بلاش كسل او تقاعد وخلوا فى طموح حلوه,
وانا حبيت اعرفكم ان شاب عادى ويمكن ظروفه اصعب مننا بقى مليونير عرفين ليه؟
لانه عندوا طموح وعقل كويس قدر يفكر ويشتغل.
يارب اكون مش تقيله عليكوا واتمنى ليكوا حياه حلوه
اختكوا روقيه,
والسلام عليكم ورحمة الله وبركاته.

مشكورة على الموضوع والقصه

امير

العفو يا امير ويارب تكون استفدت منها
ميرسى لمرورك يا جميل

مرورك على راسى من فوق
وكمان بحب اشكرك كتير على كلامك الجميل والرقيق ميرسى كتير
ويارب اقدر اقدم ليكو حاجات تسعدكوا يا احلى منتدى
ومرسى مووووووووت لمرورك الغالى عندى مووووووووووووووووووت