روح تصارع الحياه

انا بحكى القصه دى بعد ما خرجت من عزلتى اللى استمرت نصف سنه تقريبا وملقيتش اى حاجه اعملها تخرجنى من اللى انا فيه غير النت
قولت لنفسى هحكى قصتى للناس يمكن حد يكون عنده حل ليها ولو ان انا متاكده انى مستحيل يكون فى حل للمشكتى
اولا انا خرجت من عزلتى دى بقالى اسبوعين تقريبا واول ما فتحت النت كتبت فى موقع جوجل قصص الحب عشان متاكده انكم هتسمعونى وتسمعونى ردودكم
انا فتاه ابلغ ن العمر 18 سنه عشت قصه حب اعتقد انى محدش عاش الحب اللى انا عشته ولا حد حس بالسعاده اللى انا حستها اتمنيت احلامى كلها تكون معاه عرفت طعم السعاده وانا بين ايديه .دق الحب على باب قلبى يوم 2005-1-22عشت الحب 3 سنين
لحظه لحظه ودقيقه دقيقه ويوم بعد يوم وما زلت اعيش الحب ده بس فى خيالى
24-8-2007 انتهى كل شىء مش قادره اصدق ولا استوعب حياتى من غير (أحمــــد)
اعيش من غير قلبى
من غير حياتى
من غير عمرى
من غير دنيتى
من غير ما تنفس
انا فعلا اتحطمت واتحطمت كل امالى وكل احلامى معايا
بس مقدرش اعمل اى حاجه لان ده القدر
ربنا اختارلى ان سعادتى متكملش واعيش تعيسه بقيت عمرى
اتخطف منى ومن بين ايدى فى لحظه مبقاش له وجود فى الدنيا
ساب الدنيا كلها ومشى وسابنى لوحدى وهو عارف انى مقدرش اعيش فى الدنيا وهو مش معايا وزى اى اتنين بيحبوا بعض بيبداو بعد كده يخططوا لحياتهم ومستقبلهم اللى هيعيشوه مع بعض ويفكروا فى الخطوبه والجواز
خططنا معاد للخطوبه وبالفعل حصل وكان اسعد يوم فى حياتى لان هجوز الانسان اللى بحبه واتمنيت اعيش معاه طول العمر لكن للاسف ملحقناش نحدد معاد للجواز
بس قررنا نتمتع بكل لحظه بتمر واحانا مع بعض فى فتره الخطوبه
كنا بنخرج نتفسح ونقضى يوم جميل مع بعض وفى يوم واحنا راجعين بعد اليوم الجميل اللى قضناه مع بعض جينا نركب عشان نروح ركبت وهو مرضاش يركب استغربت اوووووووى
وسالته انت مش هتركب ليه بصلى اووووى وقالى روحى انتى وانا هحصلك علشان فى مشوار مهم لازم اعمله قولتله وايها المشكله اجى معاك قالى :لا
قلقت اكتر بس هو قالى متقلقيش انا هحصلك على طول بس روحى انتى
قولتله : اول ما تروح كلمنى علشان اطمن عليك
الوقت اتاخر وهو ما اتصلش عليا يطمنى قلقت جداااا وفضلت مستنيه تليفونه بفارغ الصبر
وفعلا جالى تليفون بس مش اى تليفون
تليفون كسرنى وحطمنى
تليفون بيبلغنى انه مات فى حادثه
مش قادره اقولكم انا حصل ايه وقتها ومش هتصدقوا انا حصلى ايه
انا فضلت ماسكه سماعه التليفون نصف ساعه وكانى احمد بيكلمنى وبيطمنى وبيقولى انا الحمد لله وصلت بالسلامه
بعدها لما استوعبت الموقف وانى مش بتخيل ولا حاجه
انهارت واصطدمت وفوجئت بان اللى انا فيه ده حقيقه
مش قادره انسى مش قادره انسى مش قادره انسى
مش قادره انسى مكالمه التليفون دى ولاقادره انسى نظرته ليا قبل اما يسيبنى
ولا قادره انسى اللى كان بينا
ولاقادره اصدق ان ده حصل فعلا
مش قادره انسى بجد انا تعبت عاوزه حل لحالتى دى مش عاوزه اشوف الناس ولا اتكلم مع حد ولا اخرج
انا فى حاله اكتئاب مش عارفه اخرج منها
بجد نفسى حد يلاقى ليا حل
بس مقنع مقنع ويفكر فيه كويس ان كان هيخرجنى فعلا من اللى انا فيه ولالا

اتمنى ان اسمع ردودكم

مشكورة ع الموضوع الرائع