انا بلياك

انا بلياك-----
انا بلياك ليل اشتا وجرح ملجوم جزعت روحي من عنده
جرح مافاد بيه ادواي يتفتك شما اشده
انا بلياك طفل وتاه من امه بظلام الليل محد يندل يرده
انا بلياك طوفان بحزن وهموم خليت الصبر سده
وطفح فوق الصبر يفلان حزن البيه وتعده
انا بلياك شتله بكاع صبخايه وملح وارده
ويحزني عليك مثل الخنسه من حزنت على اخوته وبعد ارده
مثل يعقوب صار الحال لمن ضاع اعز ولده
تنشدني على حالي الناس وتقتل مثل هالنشده
شتضن حال البات سهران ودمعته اتجوي بخده
يالتنشده هذا شبيه وشعنده
انا الضيعت خلان ماي من ايدي اتبده

النازك
كلمات جميلة
وتعابير مليئة بالحزن
والاشتياق
روح مشتاقة للحبيب
ملت البعد والهجر
شكرا لك على البوح الجميسل
فراس

اشكرك كثيرا اخ فراس
اشكر مرورك
تقبل تحياتي