كلام الام لابنها.....قصيده تبجي الحجر

كلام الام لابنها.....قصيده تبجي الحجر

(رايح عالنتيجه وارجع ابساع)
مو هذا كلامك يمه ليه؟
ليش اتعطلت يمه العصر فات
وبدت تعصر بروحي المغربيه
هلاهل ترسن بصدري وبيدي جكليت
وكبل اسبوع مشتريه الهديه!
اتاني او خبر عاجل طكني بالكاع
انفجار الجامعه المستنصريــــــــــــــــــــه
ولك يمه وصلتك ازحف ازحوف
لأن رجليه ماتن كبل ايديـــــــــــــــــه
لكيت كتابك وماشفتك ويــــــــــــــــــــــــــــــــاه
عفته شلون مو رحتو سويـــــــــــــــــــــــــــــه
وجثه تصيحلي من بين الرمـــــــــــــاد
كلت مو هيه!!وانه ادري هيـــــــــــــــــــه
حاجيني دخيلك ياضـــــــــــــــــــــــــــوه العين
الشضية صابتك ,مو بيك بيـــــــــــــــه
انا اشتاكيت ابوس اجفوفـــــــــك اليوم
ابكد مابوست انت بديـــــــــــــــــــــــــه
....
ياجف القدر المن انمــــــــــــــــــديت
ليـــــش اتناوشت نجم الثريــــــــــــــــــه!
ابني الي بجت لمصابه الحمامــــــــــــــــات
واغتاظ الكمر وانخسف ضيـــــــــــــــــــه
ابني ابن العراق وامـــــــــــــــــه بغداد
ياهو الكتــــــــــــــــــب مجهول الهوية

تحياتي الجميع ان شالله تنال اعجبكم شكرا سيف الكبيسي

طبعا اخ سيف تنال اعجابنه يكفي انك ابن العراق
ياشجاع اني جدا اشكرك اختك عراقيه للموووووووووووووووت
تقبل مروري

شكرا اختي الغاليه عراقيه للموت شكرا على مروركي الجميل تحياتي يشرفني اني ابن العراق الحبيب

تسلم ايدينك سيف...
يعطيك العافيه....

الله ايعافيش يا بنت القمر شكرا على مرورك الجميل