|
|
|||||||
قصة عدنان ولينا بس غير !!! بلهجة الريااااااض ...
 |
|
|
LinkBack | أدوات الموضوع | انواع عرض الموضوع |
08-27-2008, 10:47 PM
|
رقم المشاركة : 1 | |
|
قصة عدنان ولينا بس غير !!! بلهجة الريااااااض ...
السلام عليكم ورحمة الله وبركاته ~~~~~~~~~~~~~ اليوم جايبه لكم قصة الرسوم المتحركة المعروفه لدينا جميعاً(عدنــــ ولينا ـــان)..بس بطريقة غير؟؟ ولهجة غير؟؟ بطريقة مضحكة..وبلهجة أهل الرياض..(لا تزعلون مني يا أهل السعودية عامة وأهل الرياض خاصة)..غشمرة ومزح لا أكثر ولا أقل وتقبلوها بروح رياضية... ~~~~~~~~~~~~~~~~ (عدنان) : شفيك يالينا معصبه؟ (لينا) : مدري ياخوك احس اني بنخطف زي كل مره (عدنان) : يهبووون سميرة وعلام وكل جنود القلعه (لينا) : مانيب مرتاحه احس اني قبسه وشكلهم بيخطفوني (عدنان) : اللي يقرب منك بتوطاه هنااااااااااا وادوووس على خشته واوطا في حوضه (لينا) : يابعد قلبي ياعدنان... انا اشهد انك ذيب (عدنان) : كح كح تسلمين.. المهم وين عبسي؟؟ (لينا) : مدري يمكن يصيد ضفادع عشان الغداء (عدنان) : وع الله يقرفه ذا الشين... المشكله انه خويي ولازم اتحمل بلاويه (لينا) : يمه يمه .. اسمع صوووت طيارة سميرة يااااويلي!! (عدنان) : لاتخافين وقفي وراااي واللي يقول عن نفسه رجال يقرب منك ,,,,,,,,,,,,,,,,,,,,,,,,,,,,,,,,, ,,,,,,,,,,,,,, سميره مع الجنود نزلو من الطياره,,,,,,,,,,,,,,,, ,,,,,,,,,,,,,,,,سميره تتكلم بالمايك من بعيد,,,,,,,,,,,,,,,, (سميره) : سلم نفسك ياعدنان ولاترز وجهك (عدنان) : اقول تلايطي بس ولايكثر وارجعي من محل ماجيتي (سميره) : انزح وراك... وخلنا نخطف لينا براحتنا (عدنان) : يخطفك جني يالساااااحره.. اللي يرشها بالميه ارشه بالدم (سميره) : اقول لاتتميلح وتسوي نفسك مصري اوكي! (عدنان) : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها (سميره) : الله واكبر على المصاريف؟ كلها فستان واحد وطق لونه من كثر الغسيل (عدنان) <<<< طاح وجهه هع هع (لينا) : انتي عاوزه ايه؟ انا موش هينا انا خرجت بره (سميره) : اقول انطمي انتي الثانيه لاتسوين نفسك مصريه وتلعبين علي... ترى حركاتكم هذي معروفه (عدنان) : ماعاش اللي يقول حق لينا انطمي... شكلي بشوتك باند من الجزيره ,,,,,,,,,,,,,,,,صارت معركة قوية بين عدنان والجنود,,,,,,,,,,,,,,,, ,,,,,,,,,,,,,,,,في البداية عدنان صفقهم وبعد شوي طاح في الارض وتوطو بطنه,,,,,,,,,,,,,,,, ,,,,,,,,,,,,,,,,الجنود خطفو لينا في الطياره وانطلقو الى القلعة,,,,,,,,,,,,,,,, عبسي) : عدنان لماذا انت نايم؟ شفيك؟؟ (عدنان) : اي.. اح.. ضلوعي متكسرة والركب تتصافق (عبسي) : لماذا؟ ماذا حدث؟ (عدنان) : اقول انطم بس... سميرة والجنود كانو هنا وتمردغوني وخذو لينا للقلعه (عبسي) : افا ياذا العلم؟ لماذا لم تناديني عشان اسوي فزعه؟ (عدنان) : وانا وش عرفني في اي جحر انت؟ طوول يومك تحووس ورى هالضبان والضفادع اقرفتنا في عيشتنا ياشيخ (عبسي) : طيب ماذا سنفعل الحين؟ (عدنان) : ابيك تراقب الميناء اذا شفت سفينة القبطان نامق علمني عشان نطمر فيها (عبسي) : حسنا ياسيدي <<<< ماسكه معه الفصحى خخخخخخ ,,,,,,,,,,,,,,,,بعد ساعتين مرت السفينه,,,,,,,,,,,,,,,, (عبسي) : عدناااان وصلت السفينه هيااا بنا (عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا ,,,,,,,,,,,,,,,,وصلت السفينة الى القلعة,,,,,,,,,,,,,,,, (عدنان) : انا بروح ادور لينا.. وانت وش بتسوي؟ (عبسي) : انا بفتح اللاب توب واشيك على ايملاتي لين ترجعون <<<< وش حقه جاي؟؟ لوووووووول (عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا (عبسي) : لاتخاف اذا حد شافني بقولهم انا برب في المنتدى ,,,,,,,,,,,,,,,,عدنان وصل الى غرفة لينا ويكلمها من ورى الشباك عدنان) : حياتي ليونه وحشتيني <<< حلوه ليونه لووووووول (لينا) : هلا والله... ولكمووووووووو نورت الأمل.. شخبارك؟ شخبار الوالده؟ (عدنان) : يسلمووووووووو... كلنا بخير ومشتاقين لك (لينا) : تشتاق لكم العافية (عدنان) : وانتي شلونتس؟ وش علومتس؟ (لينا) : يووووه انا طفشانه مررره وكل شوي يطقوني (عدنان) : ولايهمك اوريهم... على فكره ترى عبسي جاء معي ويسلم عليك (لينا) : وينه الشين؟؟ شخباره؟ عساه طيب؟ (عدنان) : ابشرك بخير ونعمة... والرجال يحترينا عند السفينه (لينا): طيب يالله انقذني بسرعه وراك تحب السواليف؟ (عدنان) : ابعدي شوي تراني بضرب القزازه براسي واكسرها ,,,,,,,,,,,,,,,, تم انقاذ لينا وانطلقو الى السفينه,,,,,,,,,,,,,,,, عدنان) : عبسي يالله سرينااااااا (عبسي) :ولكموووووووو نورت الأمل هلا وغلا (لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه (عبسي) : المصيبة ان القبطان نامق نايم مع وجهه (عدنان) : دق عليه جوااال وخله يصحى ماعاد فيه وقت ,,,,,,,,,,,,,,,,اتصــــــال,,,,,,,,,,,,,,,, (نامق) : الووو.. مين معي؟ (عبسي) : نامق تكفى ترى تكفى تهز رجال (نامق) : ابشر بعزك... امر وش بغيت؟ (عبسي) : قم شغل السفينه وخذنا معك نبغا نهرب من سميره (نامق) :ياويل حظي لاتقول سميره ترى اخق من طاريها (عبسي) : اقول بلا هذره اخلص علينا نبغا نفرك من هنا (نامق) : اوكي تعال السفينة وماعليك انا بتصرف ,,,,,,,,,,,,,,,,ركبو السفينة ونامق نزل عشان يتكلم مع سميره,,,,,,,,,,,,,,,, (سميره) : وينهم؟ وين خبيتهم؟؟ اعترف؟ (نامق) :ياويل حالي.. عليك عيون ماهيب صاحيه (سميره) : اقول تلايط بس.. وين لينا؟؟ (نامق) : سميره مستعد اعطيك لينا لكن عطيني قلبك تراني خقيت واللي كان كان (سميره) : هاهاهاها ضحكتني... قلبي وش تبي فيه؟ (نامق) : اويلااااه على قلبك.. ابيك تكونين حبيبتي وتاخذين رقمي ونسولف تالي الليل مثل هالمراهقين (سميره) : ياولد استح على وجهك ترى جوالي سوى <<<< يعني افهمها واشحن لوووول (نامق) : كل بطاقات السوى تفداااااك بس خليني اسكن قلبك لو ليله وحده كح (سميره) <<<< تناظر في جزمتها ينقالها مستحيه هع هع (نامق) : وش فيك تناظرين جزمتك؟ ناويه تضربيني صح؟ (سميره) : لا شدعوه... بس كنت افكر في جوال الدمعه يقولون فيه بلوتوث وحركات (نامق) : شركة نوكيا بكبرها ماتغلى عليك ياقلبي (سميره) : يؤيؤ لهدرجه تحبني؟؟ ض4 ,,,,,,,,,,,,,,,,عدنان طل براسه من السفينه,,,,,,,,,,,,,,,, (عدنان) : ماخلصتو انتو؟؟ ياخي رقمها وفكنا... نبي نمشي (سميره) : تمشي في عينك.. انا بروح معكم لووول (نامق) : تفضلي ياقلبي ادخلي برجلك اليمين (لينا) : يمه يمه.. سميره بتروح معنا؟؟ انا خايفه تضربني (عدنان) : لا تخافين... نامق روضها خلاص (عبسي) : كفوو نامق.. الحين نقدر نعيش مرتاحين ,,,,,,,,,,,,,,,, اغنية النهاية ,,,,,,,,,,,,,,,, ههههههههههههههههههههههههه ان شاء الله تعجبكم .... ~~~~~~~~~~~~~~~~~~ ~~~~~~~~ ...رغم العنـــ ابقى أنا ـــــا... ......عاشقــــ الطبيعة ـــــة.....  
|
|
|
|
08-29-2008, 01:24 AM
|
رقم المشاركة : 2 | |
|
|
هههههههههههههههه |
|
|
|
|
08-29-2008, 07:09 PM
|
رقم المشاركة : 3 | |
|
|
مشكور أخوي ليجون على مرورك الكريم وردك الطيب والدائم على مواضيعي فهذا شرف لي ويسعدني .. ما شفت الحلقة الأخيرة من عدنان ولينا طافتك أنصحك تشوفها بس تخلص نور ولميس اللي قاعد تتطاعهم وبعدين أفضى وطالع الحلقة الاخيرة من عدنان ولينا ههههههههه أمزح وياك.. أي أنا ناوية ان شاءالله أنزل كارتون جرينديزر ومازنجر بس مو بلهجة الرياض هذة المرة بلهجة أهل العراق خخخخخخ بس لسى محتارة أختار لهجة الموصل أو بغداد أو النجف أو الانبار أو شنو بس أقرر وأنزلهم...تابع أخباري العاجلة على قناة العربية ورح تعرف متى رح أنزلهم وبأي لهجة رح ينزلون لا تنسى العربية ها مو MBC (عند نور ولميس)ههههههههه |
|
|
|
|
08-30-2008, 01:32 AM
|
رقم المشاركة : 4 | |
|
|
هههههههههههههههههههههههههههههههه |
|
|
|
|
08-30-2008, 12:34 PM
|
رقم المشاركة : 5 | |
|
|
يسلمووووووو على القصه الحلوه شكرا |
|
|
|
|
09-01-2008, 03:21 AM
|
رقم المشاركة : 6 | ||
|
|
اقتباس:
أنا أخترت اللغة وخلاص ترجمت الرسوم عليها..بس مو الحين رح أنزله!! رح أخليه مفاجأة لعيد الفطر المبارك..وحصري على العربية دوت نت هههههه ..شكري وتقديري لك..ودمت سالماً |
||
|
|
|
09-01-2008, 03:23 AM
|
رقم المشاركة : 7 | ||
|
|
اقتباس:
..شكري وتقديري لك..ودمت سالماً.. |
||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
forum xml threads xml RSS
الساعة الآن 09:40 PM.
Search Engine Optimization by vBSEO 3.2.0