من يريد أن يكون من الصالحين فليقرأ

fared fadel · 08-28-2008, 12:51 AM

بسم الله الرحمن الرحيم

أزيكم ياجماعة كلنا كشباب بنعانى من بعدنا عن ربنا ومنا اللى بيضايقه دة جدا وبيحس انه تايه وضايع فى الدنيا بسبب بعده عن ربنا وبيحس ان ربنا مش راضى عنه ياجماعة اللى عايز ربنا يرضى عنه لازم يتعب ويجتهد ويسهر الليل ويتعبد ويصوم ويبعد عن المعاصى فإن المعاصى لظلمات :

شكوت إلى وكيع سوء حفظى

فأوصانى بترك المعاصى.

فإن العلم نور

ونور الله لا يهدى لعاصى.

احنا داخلين على رمضان هذا الشهر الكريم اللى لازم منضيعش فيه ثانية عشان دة هدية من ربنا كل سنة ولو ضاعت هنستنى سنة كمان لغايت ماتيجى تانى والله أعلم إذا كنا هنحضره تانى ولا لأ كان السلف الصالح بيدعى ويقول (اللهم بلغنا رمضان).

فى بعضنا بيذنب ومبيحسش بأنه أذنب وبيحس أنه شئ عادى ودة مشكلته كبيرة بس أنا عندى حل ممكن يفيد ويكون كويس

طبعا كلنا عارفين رقيب وعتيد بيكتبوا كل حاجة بنعملها وبنقولها

(ومايلفظ من قول الا لديه رقيب عتيد)

الحل:أنك تجيب كشكول وتكتب فيه كل حاجة بتعملها مثلا تكتب تاريخ اليوم فى أول الصفحة وتكتب فى الصفحة الشمال السيئات والصفحة اليمين الحسنات وكل يوم شوف انت عملت كام حسنة وكام سيئة وحاسب نفسك كل يوم

(حاسبوا أنفسكم قبل أن تحاسبوا)

وشوف السيئات اللى عملتها وحاول على قد ماتقدر متكررش السيئات دى تانى وحاول تزود الحسنات اللى عملتها بس كدة

هى دى الطريقة ياجماعة طريقة سهلة جدا وممكن تجيب فايدة إن شاء الله

(فأما من أوتى كتابه بيمينه. فسوف يحاسب حسابا يسيرا. وينقلب الى أهله مسرورا. وأمامن أوتى كتابه وراء ظهره. فسوف يدعوا ثبورا. ويصلى سعيرا. إنه كان فى أهله مسرورا. إنه ظن أن لن يحور)

ولكن رجاء ياجماعة لو حد جرب الطريقة دى ولم تحقق معه نتائج إجابية لا يكتب رد بذلك عشان ميحصلش إحباط لحد تانى عايز يجربها ولو حد حققت معاه نتائج إجابية يكتب رد بسرعة عشان ياخد ثواب المساعدة فى نشر الخير

وفى الختام

(ياأيها الذين آمنوا قوا أنفسكم وأهليكم نارا وقودها الناس والحجارة عليها ملائكة غلاظ شداد لا يعصون الله ماأمرهم ويفعلون مايؤمرون)

(فاتقوا الله مااستطعتم واسمعوا وأطيعوا وأنفقوا خيرا لأنفسكم ومن يوق شح نفسه فأولئك هم المفلحون)

ياجماعة لو حد عايز ينقل الموضوع فى أى منتدى بأسمه مفيش مشكلة المهم نشر الخير