يلي عنده الجواب يتفضل؟؟

بالله عليكم حد ابن ابوه و يجاوبني بكل شجاعة كيف فينا ننتصر على العدو و احنا نفسنا في نزاع مستمر؟؟
حد يحكيلي كيف فينا ننتصر على امريكا و اسراءيل يلي شاطرين بالحكي عنهم و احنا نفسنا مش قادرين ننتصر على احقادنا الدفينة اتجاه بعضنا؟؟
حد يجاوبني من يلي بتنقل في مواضيع المنتدى المختلفة و اول ما يكون فيه خبر سياسي او وطني او مجرد التلميح عن بلد معينة النار بتولع بينا؟؟
طبعا انا من هالاعضاء الي بشاركو في هيك مناورات مع اخوتهم الاعضاء من نفس ديانتهم و من نفس الوطن العربي بس لمجرد انه من بلد تاني
امانة يلي عندو جواب مقنع يجاوبني؟؟
غرض الاستعمار الاساسي الي قام بتقسيم الوطن العربي الى دول و دويلات نجح في مسعاه
ما كان التقسيم تقسيم ارض .... يا ريت لو المسألأة مجرد تقسيم و خراءط
التقسيم كان ابلى و اقسى
تقسيم للاحاسيس العربية
تقسيم لمشاعر الوطنية
تقسيم للجسد الواحد لعدة اعضاء بحيث انه ما يعود الراس يهتم بالايد و لا اليد الشمال ساءلة عن اليمين
يعني كنت بتمنى يكون هاد كلو عبارة عن حلم
لاصحى و القى الاخوان العرب كلهم ايد وحدة
على القليل في المنتدى
يعني لولا العيب و بعد المسافات كان في تطاول بالايدين مش بس بالكلام و الحكي على بعض
من دقيقة بس كنت في احد المواضيع الي بحكي عن خبر بالنسبة للتسلح القوي لواحدة من الدول الشقيقة
و يا حبيبي على الي صاير في الموضوع
يعني ساحة حرب الا شوي
و نسيو الاعضاء انه هالبلد الي بنحكي عنو هو منا و فينا
بتمنى من احد الاعضاء او المشرفين انه يقوم باسلوب مرتب يعني مش متل ما انا بكتب يقوم بتنزيل موضوع خاص حول التفرقة الي بنعيشها في الواقع و حتى في المنتدى
و يدعو الى توحيد الصفوف
احنا هون الجيل الصاعد بتمنى يكون فيه وعي اكبر للي عم بيصير
و ما ننجرف ورا الكلام الي اورثناه او الي بنحاول احيانا انا ننتجه
حول العنصرية بين ابناء الوطن العربي الواحد
لانه طول ما احنا هيك
اكيد اسراءيل رح تطلع من فلسطين و من الجولان
و اكيد امريكا رح تنصرف من العراق
و اكيد كل المجازر و امجاعات بالسودان و غيره رح تولي
بس اكيييييييييييد في احلامنا
عندي رجاء للجميع
خلونا نكون اخوة على القليل هون و شوي شوي رح ننقل هالشعور للواقع
بلا من كلمة اردني و فلسطيني
وبلا منها سوري و لبناني
وبلا من شيعي و سني
وبلا من مسلم و مسيحي
خلينا صحاب و بعدين نحول هالصداقة لاخوة
اخوة في الوطن ...اخوة في الحلم....اخوة في الاهداف..اخوة في حلم التحرير
تحياتي لكم و دمتو بخير
مروة2008

ما تطلعو بدون ما تحكو رايكم بلي عم بيصير
الي عندو شي يحكيه
تحياتي

والله كلامك صحيح 100%
بس انا من جهتي انا مابحكي عن دولة او بنزل موضوع ضد دولة اوضد رئيس
لكن يلي بعملو انو بدافع عن بلدي ورئيسي وهذا طبعا من حقي
ولك للاسف يوجد اشخاص حتى المواضيع الفنية والرياضية دخلو فيها السياسة
وللاسف اخت مروة يوجد ناس مابيتمنو الخير لدولة شقيقة واذا شافو خبر كويس عليها بيصير بكذبو الخبر وبيحكو مو صحيح وبيربطو شغلات صرلها عدة سنين او حتى اكثر من عشر سنين بنفس الموضوع
نحنا هون اخوة ويجب ان لا ننجر وراء الذي يسعاه الاعداء الذين يزرعون الفتن بيننا
وانا برجع بقلك مابنجر بيهيك امور لكن من حقي الدفاع عن بلدي ورئيسي وهدا شيء واجب علي وحتى للاسف احياننا ينسو مين العدو الرئيسي وبيساويكي انتي العدو الاول يلي بيجمعنا ثقافة واحدة ودين واحد ولغة واحدة وقومية واحدة
وبتمنى من الكل ماينسى مهما اختلاف وجهات النظر اننا اخوة
انا سوري الهويه عربي القومية
انا لبناني الهوية عربية القومية
انا فلسطيني الهوية عربي القومية
انا اردني الهوية عربي القومية
انا سعودي الهوية عربي القومية
انا عراقي الهوية عربي القومية
انا مصري الهوية عربي القومية
انا مغربي الهوية عربي القومية
انا ليبي الهوية عربي القومية
....... انا عربي
بتمنى كل واحد يفكر بيلي عم يصير بهالزمن والمشاكل يلي عم تصير لمصلحة من هدا كلو لمصلة العدو الاول اسرائيل
كفانا مهزلة انظرو الاتحاد الاوروبي لا يجمعهم لادين ولا ثقافة ولا حتى لغة
واخر شي توحدو ونحنا نازلين ببعضنا واخر الشي منحكي طلعو على الغرب كيف صارو ونحنا لساتنا عم نفكر كيف بدنا نرد على هاد ونقاش هاد
ولك اصحو اصحو يكفينا مهزلة
واسف على الاطالة
وبتمنى كل واحد ياخد وجهة نظري بصدر رحب وقلب واسع
وماحدا يزعل مني
مشكورة اخت مروة على الموضوع
تحياتي لك ولجميع الاخوة العرب

مشكوووور بيسو على المشاركة
كلنا امانينا وحدة بس للاسف بالكلام
اما على ارض الواقع فكل واحد مخبي للتاني ورا ضهرو سكين
انا مش احسن من غيري
و انا مش ضدك في انك بتدافع عن بلدك و ما عنيتك بكلامي
عنيت الكل الي بكونو متاهبين بس لكلمة اي واحد
اذا كانم الخلاف بينا العرب وصل لحد تفسير الاحلام هون في المنتدى
فكيف في السياسة
يعني الحدية بيناتنا واصلة للاحلام
تحياتي الك و بتمنى الكل يشارك برايه
و نعتبر انه في هون على القليل توحيد للصفوف العربية
لعل و عسى تكون بذرة خير تنطلق من هنا
تحياتي

الاخت مروه قولتي كيف ننتصر على عدونا وأعطيتي لنا اسباب عدم النصر مشكوره
كل منا يجب ان ينتصر على الانانيه الي بداخله انه يحس انه في اخ محتاج مساعدته
المسلم اخو المسلم لايظلمه ولايسلمه اين نحن من ذلك
المسلم للمسلم كالبنيان المرصوص وقوله تعالى (انما المسلمون اخوه الخ سياق الايه الكريمه)
اين نحن من ذلك
اسمحي لي لقد اجتمعت جامعة الدول العربيه اجتماع طاريء ومن قراراتهم اذا قام الجندي الامريكي
بقتل اي مواطن عراقي خطأ اوعمدا فلايحاسب قانونا
وهذه الوثيقه في خزانة البيت الابيض وقعها الرؤساء العرب اين نحن من التكاتف العربي
مصر اطفأت ديونها بشرط فتح قناة السويس امام الاساطيل الامريكيه
الخليج سخرت جميع مطاراتها واراضيها ومن ضمنها المملكه العربيه السعوديه من اجل تقديم العراق لقمه سائغه
من اين يحترمنا عدونا ونحن في حالة التشرذم هذه الاردن سهلت اراضيها للقوات الامريكيه
في القواعد الحدوديه اين نحن من امر الله نقاتل العدو صفا واحدا
ايت نحن من قول رسول الله صلى الله عليه وسلم
كما ذكرت أنفا متى مارجعنا نحتكم الى كتاب الله وسنة رسول الله والخلفاء الراشدين ويكون
المسلمين كلمه واحده على الحق لاعلى التشرذم ستزال اسرائيل وتسقط امريكا باتحادنا
كما قال الشاعر اكثم بن صيفي بعد قصته المعروفه مع ابناءه
تأبى العصي اذا اجتمعنا تكسرا.......واذا افترقن تكسرت احادا

مروة يعني اسمحيلي هنيكي عالموضوع

ولكن مروة نحنا منعرف انو العدو هدفوه يأذينا ويدمرنا ولكن لما تجي الاذية من صديق كيف بدك يانا ننسا ونسامح بهل السهولة وانا بعرف انتي عم تحكي عن سوريا وانا لما اكتب رد ضد القيادة السورية هيدا رد نابع من غضب داخلي لاذية يللي اتعرضنالها ن بعض الاشخاص نحنا شخصيا طوال 10 سنين صح وين ما كان في منيح ومش منيح ونحنا الله بلانا بالناس السيئة ولكن بدي ئلك الجرح يللي بداخلي مين بيمحيه


ونحنا لما نحكي عند دولة منكون عم نحكي عن قيادتها ومش شعبها وهيدا الشي انا موضحة لبيسو لما احكيها خارج المنتدى واسأليه ولا مرة نقاشنا هون سببلنا مشكلة او احراج بحديثنا خارج المنتدى يعني انا فرقت بين الشعب والحكام وهي في منتدى عن سوريا ومناطق سوريا ولا مرة دخلت وحكيت كلمة عن سوريا بالعاطل بداخله يعني صحيح في يمكن غضب او حقد ضد الحكم ولكن ما في الا المحبة للشعب واظن هيدا المهم يعني الشعوب برغم كل السياسات بعدها موحدة لحد كبير وانا متفهم لما بيسو يفوت ويدافع يعني صحيح مختلفين وعم اناقش ولكن على الاقل كل واحد فاهم وجهة نظر الاخر

ولكن من الخطأ تحميلنا مسؤلية الاحتلال وبقاؤه وهيدا هروب من الواقع يعني فلنفترض انو خلافنا مع سوريا هو حالة شاذة والكل يعلم ان لا حكم للحالة الشاذة يعني معليش هي دول الخليج متفقة ودول المغرب العربي متفقة يعني ليش ما بتطلعو على نص الكاسة الممتلئة وبتبنو عليها بدل انكن تشوفو حالة غلط وتحملوها المسؤولية يعني خلينا نشوف ولو موقف واحد من الدول يللي ذكرتها ربما نحنا نستحي على حالنا ونتفق اما انو ينرمى كل شي علينا فهيدا ببساطة هروب من واقع

مروة
لا يغير الله ما في قوم حتى يغيروا ما في انفسهم
كل ما يجري الان ويحدث بيننا
هو في الأساس راجع الى ما ربونا عليه
فمنذ نعومة اظفارنا وهم يعلموننا اننا لا ننتمي الا الى بلد واحد
وهو من يجب أن ندين له بالولاء وندافع عنه بكل ما نملك من قوة
لم يعملوننا اننا ابناء وطن عربي واحد كل من فيه أخوة
لم يعملوننا اننا نحمل نفس الجرح
نفس الألم نفس الأمنية
وهي زوال الكيانات الغاصبة والتوسعية
لذلك يجب ان نبدأ بتعليم الجيل القادم التائه بلا هوية
أنه ينتمي الى وطن كبير هو الوطن العربي
يجب أن نعلمه كيف يترفع عن الصغائر التي تهدد علاقات الأخوة
بين ابناء الوطن الواحد
ومن هنا نبني جيلا جديدا يمكن في يوم من الأيام أن يغير خارط التاريخ
ويغير مسار الأمور
كلنا نعيش نفس الألم ونحمل نفس الجرح
لعلنا نتعلم كيف نغير ما بأنفسنا من حقد اتجاه بعضنا البعض
حتى يغير الله مانحن فيه
شكرا لك على الموضوع الجميل
والطرح الجميل
النهر المسافر
فراس

مروة يعطيكي العافية طرح مميز وجميل ودايمن ودوم
انتي مع الحدث
ولي إضافة بسيطة
اذا توحدة العرب تحت رائية واحدة ورجع العلم القائم على القوة الى العرب الذي بالاصل موجود ولم يفعل بالكامل سوفا تكون كلمة لها قوة
وكل شئ لهو سبب والاسباب لم تاتي حتى الان فلزمان دورة سوف تعود ولهاا كلمة
وبالفعل اشارتك على توحيد عروبة الاعطاء جميلة وتشكري عليهااا ويجب ان توخذ هذهي العبارت
بالفعل والقول معاً
هذا وشكراً مروة لكي مني كل احترام وتقدير

اخوكي وولــــــــــــــــــ وكل عام وانتي بخير مروة ــــــــــــــــف

تابـــــــــــــع انا محقولك كيف لان الجواب عندك وعند كل الاعطاء وبقولك كلمة بين
قوسين ( اذا قدرتي تغير اسم كل منتدا عربي وهذا المنتدا الى اسم واحد وتحت إدارة واحد ة )
في هذهي الساعة بتعرفي ما تبحثي عنه .......

والله مروة اني اعزاك بصدق بس لا يوجد حل يعني س-س = صفر
فكيف نستخرج رقم غير صفر ولا حياة لمن تنادي
وانا اشوفك على محور دايمن تروحي وترجعيله . ....وانا فاهم عليكي مروة ........