الحلم
للإشتراك بليالي لبنان على الفيس بوك
لبنان
قديم 09-19-2008, 07:51 AM   رقم المشاركة : 1
NaDooM
|:.عـضو سوبر مـميز..:|
 
الصورة الرمزية NaDooM






NaDooM غير متواجد حالياً

NaDooM على طريق التميزNaDooM على طريق التميز


Exclamation الحلم

السلام عليكم
/
/
/
/
/
/
/
/

بوقت من البطى وبليلة فراق الشياطينه
بعد شفت الضياء ينزع من ثياب المساء سلفين
تحايلت المنام إلي مثل بيتك تمرينه
وأنا إلي من تفارقنا وأنا ماغمضت لي عين
غريبة كل حلم يمر في رقادي تزورينه
والأغرب كيف احلم الحلم وارجع واحلمه بعدين
قبل يومين شفتك بالمنام وقمت من حينه
ونمت أمس ورجع نفس المنام إلي قبل يومين
أنا إلي قبل أسافر شلت قلبي من شراينه

تركته بيدك مثل الامانه واحفظيها زين
ترى حفظ الامانه دين مجبورة تردينه
اجل مافي احد قالك حفظ الامانه دين؟؟
مرد المقفي بيلفي ويستوفي وتوفينه
بعد ليلة ثلاثة أربعة عشرة شهر شهرين
إذا أنت منتي بقد الكلام إلي تقولينه
حرام استأمنك حاجه وإذا جيت أطلبك تنسين //


تخونين وتبين أرضى واحد يرضى تخونينه
أنا لجيت أخونك مع حبيبة ثانية ترضين!!!!
.
..
...
....

من أول ما رجعت من السفر ماشفت لك ديره
وإنا إلي كنت أحسبك قبل أدوس ارض المطار تجين
تكونين أنت أول شخص عيني تحتضن عينه
وكنت أتخيلك من زود فرحة رجعتي تبكين
وأشوف بدمعتك حكيك واعرفه قبل تحكينه
وأجيب أحلى من إلي بتحكينه وأتركك تحكين
تقولين الوطن نور وأقول بنور مضوينه
تقولين لي غديت أحلى وأقول عيونك الحلوين
كلام نام بشفاهك وخفتي لاتصحينه
ذخرتيه للغرام إلي ينام ويتركك تصحين
تغانمتي غيابي لين رجحتي موازينه
تعلم من يدك لمس الكفوف وعلمك تجفين
وليتك تلاقين أتفه شي فيني ماتلاقينه
ماهو بغرور لاكن خابرك مالك أمل تلقين
تغافلك بـ غلا ولا الحلى ماهو من زينه
تزينه الصور ولا الصحيح ابن الحلال زوين
وأنا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوع بمظهري والسم مايذبح ثعابينه
على قول المثل ماني حلو لاكن ماني بشين
وإذا أهداك الزهر مره فانا أهديتك بساتينه
وإذا ألهاك بفرح ليله فانا تهت لبكاك سنين
وإذا استضعفتك أملاكه وشتتك ملاينه
فانا حتى فتات الخبز اقسمها معك نصين
طموحي بس أجي واظهر بشي تستحقينه
تدينته تسلفته سرقته مو مهم منين
كأني من كثر ما أرضى بكل إلي تتمنينه
لو تطلبين الله يعنيني بقول آمين
أنا ما العب على الحبلين وقت الطيش وسنينه
تبيني الحين يوم إني كبرت العب على الحبلين
ترى عند البدوا بذات عيب إلي تسوينه
حلاتك لاعشقتيني تعشقيني ليوم الدين
غرام نسكن ضلوعه حشيمه من مجانينه
جفا يجمع معزتنا ولا عشق يذل اثنين..
كثار إلي تحدوني وقالولي تحبينه
أمنه لاتخليني صغير بعينهم تكفين
لأني كل ما قلوا تخون أقول مسكينة
عليك الله وأمانه علميهم منهو المسكين
أنا خايف لاطاح الجمل تكثر سكاكينه
وأنا ما عادت ضلوعي تتحمل طعنت السكين
مثل ماقالوا المكتوب واضح من عناوينه
لو ارحل منك للغربة بسافر من ظلامك وين
كفايه كل حلم يمر في رقادي تزورينه
كفايه من تفارقنا وأنا ماغمضت لي عين
قبل يومين شفتك بالمنام وقمت من حينه
ونمت أمس ورجع نفس المنام إلي قبل يومين.......






منقوله للشاعر :حامد زيد"الحلم"
موقع زواج


من مواضيع العضو :
  رد مع اقتباس
قديم 09-19-2008, 08:13 AM   رقم المشاركة : 2
عليا
Banned





عليا غير متواجد حالياً

عليا will become famous soon enough


افتراضي

عن جد مره حلوووووووه استمتعت بقرائتها ..اتوقع اذا مو غلطانه انو القصيده مصوره ...

شكرا لك ع النقل الجميل ....



من مواضيع العضو :
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

RSS2 XML
الساعة الآن 11:00 PM.


Powered by vBulletin V3.7.2. Copyright ©2000 - 2017

Search Engine Optimization by vBSEO 3.6.0 RC 2