وطن واحد

وطن واحد
وطن واحد اجروحه واحنه مختلفين
وخلص شريان دمه وانذبح كله
اليهينه احنه ابعضنه بينه ما بين
وانخبطن علينه العنب والسله
واحد بالعرض واحد يجر بلطول
والثاني انسحب والثالث اتخله
ولا جنه ابوطن نشرب بنفس الماي
ونفس اجروحنه والخلل والخله
لحد ما طفح بينه الكيل والميزان
وانهد من علينه البيت والكله
والشتموا بينه الجانوا يجدون
والخادم كبل بجروحنه اتسله
الف لا ياشعب مو انت هيج اتصير
بل لا ياهلي يامعدن الدله
نهجر جارنه ومن يمنة حامي الجار
وبسابع جار ربك صوت نزله
نزل دبج علينه ونستحي انحاجيك
وبطبل لو دبج نستحي انكله
هسه انشيل اهلنه اشلون هاي اتصير
باجر لو محمد سأل شنكله
هلي مدو أيدكم ليش مختلفين
لان بس الصلح يرهم دوه العله
الصلح شيمة اهلنه واحنه اهل الطيب
واحنه اهل المحنة وطيبة الدهله
كبر بينه الجرح والحال غير الحال
جرح غير الصلح من يكدر ايشله
انتفاهم بينه وطيح ضيج وهاي
وإذا بيناتنه ياهل وطن سهله
المايرضا يصعد حته يرضه اوياي
يدلل عليه ورايح انزله
خلي بكلوبنه ايصير الصلح موجود
حته الطاح امس ها اليوم يتعله
وطن محتل يصير الخلل بالتاريخ
بس اكلوبنه ميصير محتله
احو ياهلي يا البيكم اتنخيت
ها يلسيفكم بلموزمه اتسله
مو بيناتنه كون العدونه انصير
شدة انشد عليه وكونه انسله
مو من بابه تدخل لون غرنه اعليه
اذا نتحد من اعيونه اندخلة

وطن واحد وقلب واحد وروح واحدة

كلمات رائعه جدا

دام ابداعك

تقبل مروري البسيط

عراقي للموت
هي الجراح توحدنا
هي الأحلام توحدنا
هي الآهات
كلماتك ها هنا نبعت من قلب
كل عراقي شريف
يحب وطنه يوتمنى له التوحد والشموخ
نتمنى ان يعود العراق الشقيق حرا ابيا موحدا
شكرا لك على البوح الجميل
النهر المسافر
فراس

نورتو الصفحه بردودكم الحلوه