فرجونا الهمة و بتمنى اسمع التفسير

الرجاء من الي رح يفسرلي المنام بداية
اذا فيه اي شي هيك ولا هيك
يعني مش تمام
ما تكتبو التفسير هون على الملا
الله يسعدكم ما بدنا فضايح
ابعثولي التفسير برسالة خاصة لو امكن
ما بحب حد يعرف اسراري
يالله
المنام قبل اكم يوم بس انا اترددت في اني اذكره هون
بس لانه ضل في بالي قررت اني اشوف التفسير
حلمت بامي في زيارة لبيتي و عمرها ما زارتني في الواقع لاني انا في بلد و هي في بلد
و شفت معاها مرت عمي المتوفاة( ميته من شي 5 سنوات هاي مرت عمي)
و شفت مرت عمي جالسة على الارض و ماسكة كوار( الي بنزرع فيه) و في قلب هالكوار تراب بس كان لونه مثل الثلج ابيض
كا انه ملح مش تراب اسود
و بتحكيلي هاي رح ازرعلك هاي الكوسى عشان تعملي ل (س) اسم زوجي لانه بيحبه (يعني اطبخ له من الكوسى
و شفت البزرة لنبتة الكوسى بايدها و هي بتزرع فيها
و امي مسكت التراب و هي مستغربة و تقول معقول هاد تراب ليش هيك لونه انا اول مرة بشوف هيك تراب
بس انا اضحكت على كلام امي و جاوبتها هاد هون التراب في كندا لونه ابيض يعني انا عندي الوضع طبيعي بس امي الي كانت مستغربة
و بعدين قامت مرت عمي و امي و خرجو من عندي

معلش المنام طويل شوي بس والله هاد كل الي شفته
طبعا مرت عمي و امي كانو باشكالهم المعتادة و مرت عمي ما كانت زعلانة و لا مبسوطة يعني عادتها

لما اصحيت خفت و صرت ابكي لاني خفت على امي

بتمنى اسمع التفسير
بس متل ما حكيتلكم بتمنى اذا فيه اي استفسار او شي مش مزبوط في التفسير ما تكتبوه هون
تحياتي على المجهود مسبقا

شو ما فيه ولا مفسر صاحي؟؟
كله نايم؟؟
انا مش رح ابعد هالموضوع تا اسمع التفسير
يالله اصحو
مروة عندها منام
ههههههههههههههههههه

ابعتي برساله خاصه لمفسر الاحلام
يا ريت بقدر اساعدك
بس ان شالله خير

شوويااااااااااااااااااااااااااااا
غبت ساعتين و ارجعت و ما فيه حد معبر هالمنام؟؟
كل هاد صعب؟؟
ما حكينا بدنا الهمة
يالله اخوانا شدو حيلكم و عن جد بدي تفسير

ابدا هالموضوع هاد ما بنزل لتحت تا اسمع تفسيييييييير اله
ههههههههههههههههههههههههه

يعني بصراحة انا كلي خيبة امل ؟؟؟
هيك ما فيه و لا مفسر في المنتدى عبر هالمنام؟
لهالدرجة كان صعب
طيب احكولي ما اعرفتو و خلص
الله يسامحكم

مــروة ....
أنا سألت عن منامك .. والله اعلم وحسب ماقيل
لي .. أنه راح يجيكي توم بنات ..
هذا اللي عرفتو من اللي سالتو .
عاد ما بعرف إذا صحيح او لا .. !!

له له له له
الله يسامحكم
يعني لو ضليتو نايمين او ما تفسرولي كان اهون علي
هيك يم طلع معاكم بعد كل هالمنام الطويل العريض
ما طلعت النتيجة الا بشرى قدوم بنت.؟؟؟
بنت؟؟؟
بنت؟؟؟
بنت؟؟
لاااااااااء و بدر بيحكيلي توم بنات
ياخي طب هونوها شوي و احكولي اولاد او حتى ولد واحد
الله يسامحكم
منكم لالله
هههههههههههههههههه
بس انا مش عارفة كل هالرموز الي في المنام شو تفسيرها
على كل حال ريتكم سالمين و غلبتكم معاي
يعني رح اعتبر حالي لا نمت هديك الليلة ولا حلمت
هههههههههههه
تحياتي لكم

نشالله خير مروة والله ماني شاطرة أبداً بتفسير الأحلام
بس يمكن متل ما قال الاخ بدر توم بنات