خطاي إني سألت

خطاي إني سألت

تخيلي لحظة .. غيابي
أو خبر وفاتي
يا ترا بتقولين ...
هم وأنزاح .. ؟!
والا أفديه أنا بحياتي .. !!
أشوف الرسايل غابت
مدري وشي اللي غيبها .. !!
أخاف صرت أنا من الماضي
وما عدت أستاهلها .. !!
مهما يفرض القدر ..
غيبتك عني تظل غالية
ومهما تغيبي عن دنيتي ..
تظلي دوم في بالي
هي ضيقة نفس ..
والا ضيقة خاطر .. !!
بس الأكيد .. إني بلياك تعبان
أحس القلب محتاجلك ..
وبعدك دوم يجرحني
ما حبيت أزعجك ..
بس الشوق ذابحني
عساكِ مرتاحة بغيابي ..
وأنتِ وسط إللي يحبونك
أنا على كثر أحبابي ..
عجزت أعيش من دونك
خطاي إني سألت .. !!
وجيت أدور للغياب أسباب
خطاي إني تعلمت الوفا ..
والناس كذابة
أحبك موت بغيابك ..
ولا شفتك أحبك زود
أحبك في إبتسام الوقت ..
وأحبك في جفى أيامي
يقولون إن غيابك عني ..
راح يجنني
صححي معلوماتك حبيبتي ..
غيابك راح يموتني
يا كيف ترمي حُبنا ..
عُقب الغلا وسط الحشى .. !!
يا كيف تسمحي للهجر ..
يرسل لنا رسايله .. !!
أشكي لليل حالي ..
وأكلم العبرات وأسهر
بعد فراقك .. رأس مالي ..
نومي الصافي تكدر
رجيتك قبل لاتروحين ..
تكفنيني .. وبيدينك لقبري تنزليني
والله الموت نعمة ..
ببعدك حبيبتي
هذا وأنا توني اليوم مهجور ..
وشلون لو لي عن فراقك ليالي
ما أقدر أصبر ببعادك عني ..
يا اغلى حبيبة
تدرين إني من دونك أعاني ..
وصار العالم عندي كئيب
لو تطاوعني الحروف ..
كان علمتها غرامك
بس .. أخاف تحبك أكثر ..
بعدها تحرمني الكتابة
إنتِ الحبيبة إللي ماقدر أبدلها
طيفك .. يلاحق عيوني ..
وين ماروح القاه
دخيلك .. حسي فيني ..
وحسي بحبيبك
إللى صار من بعدك يعاني
يا قريبة بالشعور ..
يا بعيده بالمسافة
من قال .. لحظة فراقك ..
مالها تأثير .. ؟!
أحس روحي بتطلع من فرقاكِ
بطرشلك كل يوم فراشة ..
على جناحها مرسوم قلبي
ترفرف على خدك ..
وتعطيكِ بكل رقة بوسة
ما في أمل .. ؟!
لو مرة تسألي عن أحبابك
ياللي خذاك الجفا عنا .. ولا جابك .. !!
ليت الرسايل كلها ورود وزهور ..
أنثرها بدربك .. واين ماتروحين
أبي اسمع صوتك .. إللى كله عذوبه ..
ودي على شوفتك .. أرتاح واريح قلبي
رحتي ولا كنه أحد بغيابك ..
تعذب من فراقك .........

بـدر العلي ,,,

أحبك في إبتسام الوقت ..
وأحبك في جفى أيامي
دائما متميز بدر العلى لك تحياتى

مشكور أخوي أسـير ....
حقيقة دائما يسعدني مرورك الرائع
فلك مني أجمل التحيات وأعطرها
ودمت بكل خير وعافية

والله يا بدر انشالله ما بكون الغياب طويل
و انشالله بتهون و بتنزاح الغيوم
تحياتي على الابداع

أحس القلب محتاجلك ..
وبعدك دوم يجرحني
ما حبيت أزعجك ..
بس الشوق ذابحني
يعطيك العافيه اخي الكريم بدر على ماابدعت من مسجات لكن لا اتوقع ان من يحب يعذب الا في حال واحده اختلطت عليه الامور واصبح في صراع داخلي بين حبه وبين مايعتقد لان البعد صنع مالم تصنعه ماااااساه لانه مؤلم جدا وهو ببعده لايعذب وانما غارق في حب عظيم ولكن اصرار المخاوف بداخله على وضع العقبات تجعله قاسيا على غير طباعه
دمت بخيرررررررررررررر

الأخـت مـروة ....
وأخيراً طليتي بإطلالتك الرائعة
لقد أسعدني مروركِ الكريم على تلك الكلمات
فلكِ كل الشكر والتقدير
ودمتي بكل خير

deep in love ....
لقد تشرفت بمرورك الكريم على الكلمات
وقد أسعدتني تلك الكلمات المعبرة التي أضفتها
فلك كل الشكر والتقدير
ودمت بكل خير وعافية

جميل هو بوحك والأجمل من خط لنا هذه الخاطرة الراقية في معانيها

أتمنى لك السعادة الدائمة

دمت ودام قلمك الألماسي

الأخـت بـنـت طيـبـة ...
لكِ كل الشكر والتقدير لمروركِ الكريم
فلكِ مني كل التحية والمودة
ودمتي بكل خير ,,,