كلمتين وقلتها لك الف مره

كلمتين .. وقلتها لـك ألـف مـره.................
المفارق عنْـك لا يعنـي ضياعـي
.......... والمعيشه معـك لا تعنـي متاعـي

في كِلا الحاليـن مـا تفْـرق لأنّـي
.......... واعي ٍ لا رِحْت .. ولاّ جيت واعـي

أدري انِّي حيّ بِـك .. والاّ بدونـك
.......... وانت جزء من الحياه ولِك دواعـي

بس ما يعني وجـودك فـي حياتـي
.......... إمتثالي دوم لامْـرك.. وانصياعـي

لي طريقي.. وانت والله واختيـارك
.......... يا ابتعادك عن طريقي ..يا اتّباعـي

إقتنع في كـل مـا اسـوّي واقولـه
.......... عقبها شوف انطباعك .. كانطباعي؟

ولو تحسّ الإختـلاف بـردّ فعلـك
.......... لك طباعك يا عزيزي .. ولي طباعي

يعني لو إنت اندفاعي في شعـورك
.......... في شعوري ما ني مثلـك إندفاعـي

باقتناعي لا عشقت اعشـق وطبعـاً
.......... لا كرهت اكـره بكيفـي واقتناعـي

هذا أنا من يـوم مـا ربـي خلقنـي
.......... فطري باحساسي ولاَني باصطناعـي

عاطفـي جـدًا .. وكلّـي شاعريّـه
.......... وانطوائي كثير وشـويّ اجتماعـي

وانت بس ارجوك لا تزعـل وقـدّر
.......... مثل ما اراعي.. لزوم انّك تراعـي

يعني لو ما كنت احبك .. لا أهـزّك
.......... خلك أقوى من كلامي.. وامتناعـي

كلمتين .. وقلتها لـك ألـف مـره
.......... بس شكلك ضقْت من كثرة سماعـي

قلت: "لو أقدر أحبك كـان احبـك"
.......... البلى انّ الحب ماهـو بْمُستطاعـي

ليت والله تطلـب اللـي أستطيعـه
.......... لجل تبقـى دوم مسموعـاً مُطاعـي

فالسموحه كـل شـيّ الاّ شعـوري
.......... مو لأيّ انسـان شفّـي والِتياعـي

وانت أكيد انّك بتلقـى فـي حياتـك
.......... من ينسّيـك بوصالـه .. إنقطاعـي

والحيـاه بتستمـرّ وشـي طبيعـي
.......... لو تجي تسحب ذراعك من ذراعـي

ما أموت من المفارق وانت تـدري
.......... وش بقول انْ جيتني ناوي وداعـي

بختصار انْ غبْت يالطيّـب.. تأكّـد
.......... المفارق عنْك .. لا يعنـي ضياعـي

ابداع واحساس في الكلمات المتميزه

تعبر عن صلبت قلب المحب
تسلم ويسلم قلمك المبدع
هيما

مروان أحمد
كلمات جميلة وشموخ رجل
كبرياء الكلمات ها هنا رفعها الى مصافي الجمال
في الطرح والسرد
شكرا لك على البوح الجميل
النهر المسافر
فراس

هيمه
فراس
يسلموا على مروركم الرائع الذي
يثلج القلب

مروان شنو هل الابداع والله احساس وكلام جميل

تسلم الايادي وننتظر اكثر يامبدع دائما نتفاجئه برقة كلامك

تقبل مروري البسيط

المذهله يسلمو على مرورك
انت الي كلك ذوق

مروان الغالي العزيز شكرا
على هذه الكلمات الجميله
الراقيه شكرا على هذه البوح
الجميل وتحياتي لك سيف
الكبــــيــــســــــــــــــــــي