أنا مثلك بحر لكـن وسـط نفسـي أنــا غــرقـان ..! ~`

أنا يابحر ماجيتك فضى ولمشاهـدك شفقـان
أنا جيتك أبنسى الياس وبعض الهـم يبارنـي

على بالك أنا جالس أسامر موجك الغضبـان
أسولف له عن أوجاعي وعني وغربة سنينـي

علامك يابحر غاضب علامك تصرخ بكتمـان
أنا جيتـك أبشكيلـك وأبـي منـك تواسينـي

أنا مثلك بحر لكن وسط نفسـي أنـا غرقـان
تعبت أبحر مع نفسـي وأسالهـا أنـا وينـي

أنا محتار في وصفي ومع نفسي أنـا حيـران
أنا لاقادر أفهمهـا وهـي تجهـل مضامينـي

أنا مليت من حزني وتعبت أبحث عن السلوان
ولاظنيت بـه شـي عـن أحزانـي يسلينـي

أحس إن الحزن عالم بحوره وصحوه وديـان
تخيل يابحر حجمه إذا حجمـه سكـن فينـي

تصور لو شقا الدنيا تجمع في كيـان انسـان
تصدق مابقى بالكون أسى مابات فـي عينـي

ترى كل الحزن لو غاب وراح لآخرالأوطـان
يغيب ويرتحل لحظات ويرجع يستقـر فينـي

أنا آخر فصول الحزن وأنا لدروبـه العنـوان
وأنـا آخـر عزوفاتـه وأصواتـه تغنيـنـي

أنا والليل والغربـة تعانقنـا مثـل الأخـوان
ليلـي كـل آهاتـي والغـربـة عناويـنـي

تعبت أسقي ثرى أحلامي وأزرع بالوهم بستان
تعبت ولا نبت زرعي وتعبت وجفت بساتينـي

ألايابحر جاوبني وش آخـر هـذي الأحـزان
وش آخر رحلة أوجاعي وعناي وغربة سنيني.

يعطيك العافيه على ابداعك والاحزان مدينه انسان ياربت الانسان يقدر يخلص من شقاه

أنا والليل والغربـة تعانقنـا مثـل الأخـوان
ليلـي كـل آهاتـي والغـربـة عناويـنـي

ما اروع كلماتك بنت الوفا
انا والليل والغربة
تسلم ايدك على ما خطت

روعه كلمات فعلا معبرة ابداع التعبير تسلم ايدك

كلماات راائعة وفي الصميم

يعطيكي العافية

حلووووووووووووووووووووووو هالكلام الجميل