أتمنى أن أبكي وحدة لا تطاق

the ikoder · 11-09-2008, 10:29 PM

بم التعلل لا أهل ولا وطن ولا كأس ولا نديم ولا سكن

لم أجد سوى هذه الكلمات لأبدأ بها موضوعي أو بمعنى أصح قصتي البائسة يا ريت تسمحوا لي أتكلم بالعامية وأعبر عن شعوري
مش عارف ده فعلا شعوري ولا دي أوهام ولا أنا فعلا مش بحس أنا أحيانا بتمنى أبكي ومش بعرف أنا إنسان وحيد برغم أن ليا أصحاب كتير بس مش بشوفهم فعلا اتمنى إني أعيش حياتي بشكل تاني .
أنا انسان عادي
عادي جدا لدرجة إني أحيانا بحس إني مش موجود أغلب وقتي بقضيه قدام النت
أتمنى إن تقرؤوا قصتي من البدايه
البدايه قوي
يمكن عشان معشتش في بلد محدد هو ده سبب انطوائي
أنا اتولدت في ليبيا بداية وبعد كده عشت ودرست في السعوديه كام سنه وبعدين رحت مصر درست فيها وبعد كده رجعت السعوديه درست فيها تاني وبعد كده رجعت مصر ودخلت الجامعة أنا دلوقتي في كلية علوم
يمكن تفهم من كلامي إن أنا منبوذ أو حاجة من الكلام ده بس بالعكس أنا الناس بتحبني جدا واصحابي بيحبوني ومن غير مبالغه البنات كمان بتعجب بيا بس أنا محبتش قبل كده بنت
أنا أحيانا بحس إني عاوز ابكي حتى من غير سبب لدرجة إني بأقعد اسمع أغاني حزينة حتى من غير سبب بحب اسمع massariوخصوصا أغنية real loveيا جماعة هو أنا كده طبيعي ولا ايه حكايتي أنا عاوز أتغير
أنا .....
أنا لا شيء .
يا ريت تردوا عليا