عايز ين تضحكو بجد تعالو

احمد01241 · 11-28-2008, 06:49 PM

--------------------------------------------------------------------------------

مرة واحد ماشي في الشارع فقابل واحد تانى شكله مش على بعضه ومستعجل أوى وبيقول:

لو سمحت من فضلك قلعني الجاكتة

فالأولاني قال له:نعم ؟

فالتاني قال: قلعنى الجاكتة بسرعة

حاضر....حاضر وراح مقلعه الجاكتة

لو سمحت بقه قلعنى الكرافتة

الكرافتة.....ال كرافتة بسرعة

حاضر حاضر وراح مقلعه الكرافتة وهو مستغرب اوي من الراجل الغريب ده:ها ياسيدي أي خدمة تانية

آه .معلش فكلي زراير القميص

لااااا دانت زّودتها أوي ..كده تاخد برد يقلب بنزلة شعبية حادة تاخد أجلك

من فضلك فكها ....بسرعة أرجوك

افففففففف... وأدي زراير القميص خلاص فكتها... دا كان يوم ايه المهبب ده، ها أي أوامر تانية؟

أيوه قلعني بقه القميص

ياسيدى عيب مايصحش كده، دا احنا فى الشارع خللي عندك دم ..... لا حول ولا قوة الا بالله

أرجوك أرجوك بسرعة.....مفيش وقت

دي وقعت ايه المهببة دي، أنا كان ايه اللي جابني من الشارع ده... وادي القميص..هااااا. .ايه تاني

ارسملي على ظهري خطوط بالطول وخطوط بالعرض

حسبي الله ونعم الوكيل...انت مجنون ياراجل أنت؟؟؟؟

من فضلك....أرجوك

رسمتلك زفت بالطول وزفت بالعرض

رقملي بقه المربعات للي اتكونت على ظهري بالارقام من 1 الى 40

ياصبر أيوووووووووب .. بقه أنت معطلني كل ده علشان تلعبني سيجا على قفاك؟؟؟

بسرعة لوسمحت....ارجوك رقمهم ....من فضلك مش قادر

أدينى رقمتهم

لو سمحت بقى أهرشلى في المربع رقم 33

ههه

تحياتي